Dımash Qudaıbergenniń qurmetine ótken keshte kúzetshiler men jýrnalıser arasynda shyqqan janjalǵa qatysty QR Aqparat jáne komýnıkasıalar mınıstri Dáýren Abaev pikir bildirdi, dep habarlaıdy Qamshy aqparattyq agenttigi Sputnik Qazaqstanǵa silteme jasap.
«Jýrnalıske qol jumsaý faktisi boıynsha Aqparat jáne komýnıkasıalar mınıstrliginiń pozısıasy mynadaı: biz adamǵa, ásirese, óziniń qyzmettik mindetin atqaryp júrgen jýrnalıske qatysty jasalǵan kez kelgen zorlyq-zombylyq faktisine qarsymyz. Biz bul oqıǵa boıynsha muqıat tergeý júrgizilgenin suraıtyn bolamyz. Onyń nátıjesin habarlaımyz. Jýrnalıs tarapynan durys is-áreket bolmaǵannyń ózinde, qol jumsaý faktisin aıyptaımyz», — dedi Abaev jýrnalıserge bergen suhbatynda.
Aıta keteıik, 25 sáýirde Astanada "Qazaqstan" ortalyq konsert zalynda Dımash Qudaıbergenniń qurmetine "Álem tanyǵan Dımash" keshi ótti. Kesh bastalmas buryn konserttik zaldyń kúzetshileri men 31 arnanyń, sondaı-aq basqa da basylymdardyń jýrnalıseri arasynda janjal ornap, sońy tóbeleske ulasqan. QR İshki ister mınıstri Qalmuhanbet Qasymov bul keleńsiz oqıǵanyń mán-jaıyn anyqtaýǵa ýáde berdi.
Onyń ústine, QR Mádenıet jáne sport mınıstri Arystanbek Muhamedıuly bolǵan jaǵdaı eleýsiz qalmaıtynyn aıtyp, «Qazaqstan» konsert zalyna qatań shara qoldanýdy buıyrǵanyn jazǵan.