Feısbýkte Anglıanyń turǵyny erekshe jazba jarıalady dep habarlaıdy  Qamshy aqparattyq agenttigi. «Spotted Newton Abott» akkaýntymen otyratyn azamat tis protezin urlap áketken shaǵalanyń fotosyn jarıalap, tis proteziniń ıesin izdeıtinin jazǵan. Mynandaı erekshe habarlamany oqyp, eriksiz kúlesiń. Kúlki jaǵdaı bolyp kóringenimen, Anglıanyń Devonshır qalasynda shaǵalalardyń adamdarǵa shabýyl jasaýy jıilep ketken. Bul jergilikti halyqtyń bas aýrýy.

Habarlamany jazǵan azamat shaǵala urlap áketken tis proteziniń ıesine izdeý jarıalaýda. «Kimde-kim óziniń tis protezin tanysa, Torkı jaǵalaıyndaǵy otyrǵyshqa tús kezinde kelsin» dep aıaqtaıdy jazbasyn.

Osydan birneshe aı buryn Reseıde bireýdiń pasportyn urlap ketken qarǵa ǵalamtordy dúrliktirgen bolatyn. Qarǵanyń kesirin sheteldik azamat jolynan qalady. Qysqasy, adamy buzylǵan búgingi qoǵamda qus ekesh qus ta dórekilik, oǵash minez-qulyq tanyta bastady.