Qazaq eliniń abyroıyn asqaqtatqan Dımash Qudaıbergenov búginde halyqaralyq dárejedegi ánshi atanyp, álemge tanymal tulǵaǵa aınaldy, dep habarlaıdy Qamshy aqparattyq agenttigi.

Osy kúnde Dımash qyzdardyń júreginen oryn alyp, birshama arýlardyń armanyna aınalǵany ras. Alaıda kez kelgen er adamnyń qyz balaǵa qatysty ózindik talaptary, ishki qalaýlary bar. Al Dımash ózine unaıtyn arý jaıynda Fans Fans Nan You baǵdarlamasynda bergen suhbatynda aıtyp ótti.

"Qyzdardyń bári jaqsy. Árkimniń óz qalaýy bolady. Óz basym názik, bıazy, ımanjúzdi, salmaqty, er azamatyn, er azamatynyń ata-anasyn óte syılaıtyn, aqjarqyn minezdi, keń peıildi, názik júrekti qyzdardy unatamyn. Solaı bolýy kerek dep oılaımyn. Óıtkeni oshaq basyn ustap turatyn bir adam emes, sol sebepti er azamattyń mereıin ústem qylyp otyratyn da áıel adam ekenin bilesizder. "Qandaı qyzdy unatasyń?" degen bir suraqqa jaýap bergende "Meniń anam sıaqty qyzdardy unatamyn" der edim. Meniń anamnyń minezi qandaı, dál sondaı minezdi, dál sondaı jan, dál sondaı perızat tabylsa, meniń kóńilimdegi qyz – sol bolmaq", – deıdi ánshi.