Máskeýlik áıel óz qyzyn sýǵa tunshyqtyrǵan. Qyz sýǵa tunshyǵyp, kóz jumǵan. Óz qyzyn óltirgennen soń anasy qyzyn kıindirip, oǵan ertegi oqyp bergen dep habarlaıdy Qamshy aqparattyq agenttigi life.ru-ǵa silteme jasap.

26 sáýir kúni Máskeý qalasy Dorogomılovsko aýdanynyń soty 32 jastaǵy Nadejdany qamaýǵa alýǵa sheshim qabyldady. Sot otyrysynda áıel eńkildep jylap, óziniń tórt jastaǵy qyzyn óltirgenin moıyndady. Kúıeýimen ajyrasqanyn jáne esh jerde jumys istemeıtinin málimdedi.

Nadejdanyń qorǵaýshysy qorǵalýshysynyń psıhıkalyq aýrýmen aýyratynyn aıtyp, túzeý mekemesine jiberilmeýin surady.

Aıyptalýshy Nadejdanyń aıtýy boıynsha, oqıǵa bolǵan kúni tańerteńnen bastap ózin-ózi óltirmek bolǵan. Aqyrynda qyzyn óltirýge sheshim qabyldaǵan. Artynsha vanany sýǵa toltyrǵan. Al qyzy bolsa ózin sýǵa túsiredi dep oılaǵan. Anasy qyzynyń basyn sýǵa batyryp, ólip qalǵansha sýdan shyǵarmaǵan. Qyzynyń demi taýsylǵan soń, ony kıindirip, tósekke jatqyzǵan. Artynan ertegi aıtyp bergen. Bul jaıtqa sol ýaqytta úıine kelgen ájesi kýá bolǵan dep málimdedi qorǵaýshysy Karataev

Qorǵaýshynyń málimdeýinshe, Nadejda ómirmen eseptespek bolǵan.

Barlyǵy kúıeýimen ajyrasqannan bastaý alady. Kúıeýi ishimdik iship, esirtki paıdalanǵan. Sol sebepti 2015 jyly ajyrasqanyn aıtqan. Qyzyn óltirýdiń basty sebebi, ony jalǵyz ózi asyraı almaıtyn bolǵandyqtan dep málimdedi qorǵaýshy Karataev.

Aýdarǵan : Aıgerim TAÝBAI