Eki jastyń úılený toıy. Toıhanada kelin men kúıeý baqyttan bal-bul jaınap otyrǵan sátteri. Ortada kúıeý balanyń anasy qýanyshtan aǵaıyn-týysqandarymen birge bıge túsip, abyr-sabyr bolyp júr edi. Anasy bul kúni óte baqytty. Sebebi, ómiriniń máni, jalǵyz uly úılenip, shańyraq kóterip jatyr. Tanys bilis, aǵaıyn-týys barlyǵy da ortadaǵy kúıeý balanyń anasyn qýanyshty kúnimen qutyqtaý ústinde. Barlyq adam kóńildi, ári eki jasqa qyzyǵa da, qyzǵana da qarap júr. Biraz ýaqyttan soń kelin bala kúıeýine:

– «Janym, anańa bir aýyz aıtyp qoıshy, bıleı bermeı bir jerde tynysh otyrsynshy. Kórgen dostarym ne deıdi, ústimnen kúlmeıdi me erteń? Otyra almasa, basqa jerge jumsap jibereıik, abyroıdy bosqa tókkizbeı», – dep sybyrlady.

Kúıeý bala kúldi de, eshteńe aıtpastan ortaǵa shyqty. Jınalǵan adam kúıeýdi ortaǵa shyqqanyna anasyn qutyqtaıdy eken dep oılady.

Biraq kúıeý bala birden án qoıylyp jatqan ánshilerdiń qasyna bardy. Aıtylyp jatqan ándi toqtatyp, qolyna mıkrafondy alyp:

– «Anam kimge kerek?», – dep toıǵa jıylǵan qaýymǵa suraq qoıdy. Sol toıda bolǵan aǵaıyn-týys, dos-jaran barlyǵy úndemesten, esh qaısysy kúıeý balanyń myna suraǵyna túsinbeı abdyrap qaldy.

Kúıeý bala taǵy da: – «Anam kimge kerek?», – dep qaıtalady. Eshkimde ún joq. Kópshilik adam kúıeý balanyń bul suraǵyna ashýly edi. İshteı «Ee bul bala úılenip, jalǵyz anasyn kerek qylmaıyn dedi ǵoı», – degen oıǵa bardy. Al kelin bala ishteı: «Bul álden meniń aıtqanymdy qylýda, erteń buny basqarý qıyn emes eken ǵoı», – dep qýanyp, súısinip otyr.

Ana baıǵus ulynyń bul suraǵyna júregi qatty qınalyp tur edi. Janarynda tynbaı jas aǵyp turdy... Kózindegi jasyn toqtata almaı ulyna únsiz ǵana qarap turdy. Kúıeý bala túsinbeı otyrǵan kópshilikke qarap:

– «Anam maǵan kerek!», – dep aıqaılady. Qolyndaǵy neke júzigin sheship, kelinge qarap laqtyryp jiberdi de kelinge:

– «Saǵan talaq berdim», – dep aıtty da anasynyń qolynan ustap toıhanadan alyp ketpekshi boldy. Kelinniń jaqyndary, týysqandary ne bolǵanyn túsinbeı, kúıeý balany toqtatýǵa tyrysty. Biraq kúıeý bala toqtaı qoımady. Qyzdyń ákesi kúıeý balasyn toqtatyp, ne bolǵanyn túsindirip berýin talap etti. Kúıeý bala bolǵan jaǵdaıdy túsindirip berdi. Qyzdyń ákesi kúıeý balasyn qatty qushaqtap:

– «Shirkin, sendeı ul tárbıelegen anańa myń alǵys. Sendeı kúıeý balam bolǵanda esh armanym bolmas edi. Biraq mendeı qyzyna tárbıe bere almaǵan ákeni keshir», – dep jigitke rızashylyǵyn bildirip, shyǵaryp saldy.

Oılanyp qaraıyq, Senin anań myna álemde jalǵyz. Al qyz myńdap tabylady. Ananyń qadirine jete bileıik, baýyrlar!

 Asqan Jumadil (bolǵan oqıǵa jelisimen)

Sholýshy: Gúlim Jaqan