Qyzyna kómek qajet bolǵan jaǵdaıda ákesi barlyq máselelerin dereý sheship beretin. Alaıda, myna bir oqıǵa bulardyń ómirin túbegeıli ózgertip jiberdi, dep habarlaıdy Qamshy aqparattyq agenttigi sheteldik BAQ-qa silteme jasap.
«Meniń qyzym osy jyldyń 3 qarashasynda turmysqa shyǵýy kerek bolatyn. Bul is-sharaǵa daıyndyqtyń ózi biraz ýaqytty aldy. Men bul ógeı qyzymnyń anasymen nekege turmaǵanmyn, biraq birge turyp kele jatqanymyzǵa 10 jyldan asa ýaqyt boldy.
Ótken jyly qyzym joǵary oqý ornyn bitirip shyqty, onyń oqýynyń aqshasyn tolyǵymen tóledim. Ol jumys istemeıtin. Ýnıversıtetine qınalmaı baryp-kelsin dep men oǵan kólik satyp alyp berdim.
Ýaqyt óte kele ol óziniń týǵan ákesin jolyqtyrdy jáne sonymen kóp ýaqytyn ótkizetin boldy. Ol qyzynyń oqýyna bir tıyn da qosqan emes, biraq ákeniń aty - áke, qyzy ony qatty jaqsy kóretin.
Qyzymnyń toıyna 250 adam shaqyramyz dep sheshtik. Men qyzyma 20 adamnan turatyn tizimdi berip, toıda sol adamdardy kórgim keletinin aıttym. Toıǵa birneshe kún qalǵanda tizimde jazylǵan dostarymnyń birin kezdestirip qaldym.
Dosymnan toıǵa kelesiń be dep suraǵanymda, ol eshqandaı da shaqyrý qaǵazyn almaǵanyn aıtty. Tek toı bolatynyn estigen, biraq shaqyrý qaǵazy qolyna tımegen. Árıne, toı bolatynyn estip ol kele salmaıdy ǵoı jáne de habarlandyrýda meniń esimim emes qyzymnyń týǵan ákesiniń esimi jazylypty.
Birneshe kún ótkennen keıin toıǵa shaqyrylǵan 250 adamnyń ishinde men shaqyrǵan 20 adamnyń biri de bolmaǵan eken. Bul jaǵdaı meniń betime túkirgenmen birdeı boldy.
Meniń ashýlandyrǵan múlde basqa jaǵdaı. Bir kúni keshke jumystan kelsem, úıimde bolashaq kúıeý balam men onyń otbasy otyr eken. Eki jaqtyń týystary bir-birimen tanysý úshin kishigirim keshki as uıymdastyrypty. Eń soraqysy maǵan bul keshki as jaıynda eshkim eshteńe de aıtpaǵan jáne báriniń nazary qyzymnyń taǵan ákesinde. Bul jaǵdaı meniń qatty kóńilimdi qaldyrdy. Onyń týǵan ákesi qyzynyń úılený toı úshin ne istedi?
Men qolyma bokaldy alyp, sóz sóıleımin dedim: «Men úshin bul otbasynyń múshesi bolý – úlken qýanysh. Osy adamdarmen birge bolǵan árbir sátim baqytqa toly boldy. Al qazir men múldem basqa adamǵa alǵys aıtqym kelip otyr: qyzymnyń týǵan ákesine, onyń bolashaq kúıeýi men týǵan-týystaryna.
Sizder meniń kózimdi ashtyńyzdar. Men bul otbasyda tek bankomattyń rólin atqarǵan ekenmin. Toıǵa shaqyrylǵan qonaqtardyń tizimi men búgingi keshki asty kórgende muny anyq baıqadym. Saltanatty túrde jarıa etemin: men bul toıdyń shyǵynyn kóterýden bas tartamyn.
Týǵan ákesi úshin óte baqyttymyn, dál búgin qyzynyń barlyq shyǵynyn kóterýge oǵan múmkindik týyp otyr. Sonymen qatar, dereý meniń úıimdi bosatyńyzdar», - deıdi qyzdyń ákesi.
Ógeı ákesiniń bul isin durys emes dep aıtýǵa kelmeıdi. Ol bul toı úshin bárin jasaýǵa daıyn edi, biraq onyń jaqyn adamdarym dep júrgenderi betine túkirdi.
Aýdarǵan: Nazerke Labıhan
