Jaqsylyq jasaýdyń ólshemi bolmaıdy. Muqtaj jandardyń qajettiligin qamtamasyz etip, musylman baýyrǵa qol ushyn berý múmin musylmannyń eń abzal isi bolmaq. Jaqsylyq jasaýǵa umtylyp, qaıyrymdylyq is jasaımyn deýshi adam qolyndaǵy kez-kelgen múmkindigin paıdalana alady. Qazaq eli qashan da jesiri men jetimin jylatpaǵan namysty halyq. Mine, búgin de osyndaı ıgi jaqsylyq jasalynyp jatyr.  Búginge deıin Aqmola oblysynyń bas ımamy bolyp kelgen Qanat qajy Qydyrmın, jamaǵattyń rızashylyq retinde syıǵa tartqan  "Toıota Kamrı" avtokóligin baspanasy joq muqtaj otbasyǵa páter alsyn dep syıǵa tartty. Jeti balany jalǵyz ózi baǵyp otyrǵan jalǵyz basty ana úshin bul jańalyq tosynnan boldy.

Kómekke muqtaj musylman baýyrlaryna járdem bergen osyndaı ıgi azamattarǵa Alla Taǵala eki dúnıe baqytyn násip etkeı!

Derekkóz: ihsan.kz