Kelesi jyldan bastap, muǵalimderdiń jalaqysy orta eseppen 15-29 paıyzǵa kóteriledi. Azamattyq qyzmetshilerge eńbekaqy tóleýdiń jańa júıesi QR Bilim jáne ǵylym mınıstrliginiń alqa májilisinde talqylandy, bul jaıynda Tengrinews.kz habarlady.

QR Densaýlyq saqtaý jáne áleýmettik damý mınıstrliginiń ishki baqylaý departamenti dırektory Gúlnár Álimbekovanyń aıtýynsha, muǵalimder jalaqysy 15-29 paıyzǵa kóteriledi. "Mysaly, laýazymdyq aılyqtyń 10 paıyzy kólemindegi biliktilik sanaty, dápter tekserý, synyp jetekshiligi, erekshe eńbek jaǵdaıy sıaqty 1 sáýirden bastap engizilgen tólemderdi esepke alǵanda, búginde 14-17 jyl eńbek ótili bar joǵary sanatty muǵalimderdiń jalaqysy - 81 myń 548 teńge. 2015 jyldyń 1 shildesinen bastap, atalǵan tólemderdi esepke alǵanda, bul jalaqy 109 myń 527 teńge bolady"

Departament dırektorynyń aıtýynsha, aýyl mektepterinde jumys isteıtin muǵalimderdiń jalaqysynda ósim paıyzy joǵary bolady.  Al, mınıstr Aslan Sárinjipov bolsa, yntalandyrýdy arttyrý úshin ústemeaqy júıesi engiziletinin aıtty.   

Qamshy-aqparat