Tashkentte bokstan Azıa chempıonaty óz máresine jetti dep habarlaıdy Qamshy aqparattyq agenttigi Vesti.kz-ge silteme jasap.

Týrnırde qazaqstandyqtar medaldyq esep boıynsha rıngti ótkizýshilerdiń artynda qalyp, boksshylarymyz jalpy komandalyq esep boıynsha ekinshi orynǵa ıe boldy. Alaıda chempıonatta qazaqstandyqtar úsh altyn josparlaǵan. Fınalǵa tórt otandasymyz shyqqanymen tek úndilik Sýmıt Sangvanmen bokstasqan 2016 olımpıadasynyń kúmis medal ıegeri Vasılıı Levıt (91 kılogrammǵa deıingi) qana úmitti aqtady. Ol 2009 jyly Qytaıda jáne 2015 jyly Taılandta Azıa chempıony atanǵan.

Jartylaı aýyr salmaqtaǵy Erik Áljanov sátsizdikke urynyp, kúmis aldy.  Ekinshi kúni altynǵa talasqan Júsipov Shahram Gıasovten, al Qońqabaev Bahodır Jalolovten jeńildi. Osylaısha ózbekter toǵyz altynǵa ıe boldy. Sonymen medaldyq esep:

1. Ózbekstan - 9 altyn;
2. Qazaqstan - 1 altyn, 3 kúmis, 4 qola;
3-4. Úndistan - 2 kúmis jáne  2 qola;
Monǵolıa - 2 kúmis jáne  2 qola
5. Ońtústik Koreıa - 2 kúmis, 1 qola;
6. Qytaı - 1 kúmis 2 qola;
7-8. Fılıppın  - 2 qola;
Sırıa - 2 qola;
9-13. Túrkimenstan, Tájikstan, Qyrǵyzstan, Iran, Iordanıa 1 qola medalden.

Eske salaıyq, bokstan Azıa chempıonaty Tashkentte ótip jatyr jáne Germanıada ótetin álem birinshiliginiń irikteý kezeńi bolyp esepteledi.

Daıyndaǵan Aqan Bektas