Alvarestiń Golovkınmen jekpe-jekke daıyndyǵyn qashan bastaıtyny belgili boldy

    Gulim Zhaqan
    Alvarestiń Golovkınmen jekpe-jekke daıyndyǵyn qashan bastaıtyny belgili boldy

    Meksıkalyq boksshy Saýl "Kanelo" Alvarestiń qazaqstandyq Gennadıı Golovkınmen jekpe-jekke daıyndyǵyn qashan bastaıtyny belgili boldy, dep habarlaıdy Qamshy aqparattyq agenttigi.

    Vesti.kz portalynyń málimetinshe, meksıkalyq boksshynyń bapkeri Eddı Reınosonyń aıtýynsha, "Kanelo" eki apta demalady da, Golovkınmen jekpe-jekke shyǵý úshin daıyndyǵyn bastaıdy.

    "Kanelo" on kúndeı, ary ketse eki apta demalady, sosyn júgirýdi bastaıdy, jumysyn solaı molaıta beredi. Bul joly biz Los-Andjeleste judyryqtasamyz. Osyndaı iri jekpe-jekten keıin biz jeńiske kóńilimiz tolady, jaqsy is tyndyrdyq. Daıyndyǵymyz jaqsy boldy, bul jekpe-jekte kórindi. Halyq "Kanelo" altynshy raýndttan keıin álsireı bastaıdy dep oılaǵan, biraq ol óz buryshynda otyrmady da. Bul onyń aldaǵy jekpe-jekke óte jaqsy múmkindigi», - dedi ol.

    Eske salaıyq, 7 mamyrda Alvares otandasy Hýlıo Sezar Chavesti tóreshilerdiń sheshimimen jeńgen bolatyn. Las-Vegastaǵy T-Mobile arenasynda ótken boks keshiniń basty jekpe-jegi 12 raýndqa sozylyp, onyń qorytyndysynda qazylar alqasy 120-108 esebimen jeńisti Alvareske bergen. 

    Jekpe-jekten keıin rıngke Golovkın shyǵyp, Alvarespen 16 qyrkúıekte kezdesetini málim boldy. 
     

    Sholýshy: Gúlim JAQAN 

    Qatysty Maqalalar

    Úzdik tenısshiler anyqtaldy

    Úzdik tenısshiler anyqtaldy

    16:59, 06 sáýir 2026