Sálemetsiń be, anashym!

Birneshe kún boıy soǵys bolyp, ózińe hat jaza almadym. Bizdiń dıvızıamyz burynǵysha Máskeý túbinde. Nemister ekinshi ret shabýyldy bastady, biraq, biz osy joly Máskeýdi olarǵa berip qoımaımyz. 

Bomba álsin-álsin jarylyp, qulaqty jep qoıǵan soń, birden tamasha tynyshtyq ornady. Aspan ashyq. Nemis bombalaýshylarynyń tútini seıildi. Kún shaqyraıyp shyǵyp tur. Appaq qarǵa (soǵys izin salmaǵan) qarap otyryp, bári bitti, soǵys aıaqtaldy dep oılaısyń. Esime balalyq shaǵym oraldy. Iyǵymdaǵy júgimdi laqtyryp tastap, shańǵy teber me edi, shirkin!

 Bári alda, oǵan senimim kámil, qazirgi basty maqsatymyz – Máskeýdi qorǵaý. Qasymda joldastarym bar. Bireýi uıyqtap otyr, ekinshisi hat jazýda. Osy aılar ishinde kórmegenimiz joq, olar meniń jan baýyryma aınaldy. Qasymda meni qorǵaıtyn senimdi serigim bar. Bizge sen, anashym, bárińdi de qorǵaımyz, úıimizdi jaýǵa bermeımiz! Úıdiń tabaldyryǵynan sen meni kútip alasyń áli, ol kún de týar... Ózińdi kút, anajan, meniń bar oıym – óziń...

Alystan áskerdiń úni talyp estildi. Nemister shabýylǵa daıyndalǵan sıaqty. Qazir atys bastalady. Óz ornyma qaıtýym kerek. Sheshýshi sát týdy!

Seni qatty qushaqtadym, anashym. Qolym qalt etkende taǵy jazarmyn. 

1941 jyl, jeltoqsan

Ulyń.
 

Derekkóz: massaget.kz