9 metrlik kópirden qulaǵan sátte anasy balasyn keýdesine qysyp aman alyp qalǵan, dep habarlaıdy Qamshy aqparattyq agenttigi.

Ana bolýdyń ózi bir erlik.  Keıde analar óz balasy úshin túrli qurbandyqqa baryp jatady.

23 jastaǵy Amerıka turǵyny Djennıfer Dýnkan óziniń 8 aılyq uly Denıeldi balabaqshaǵa apara jatqan.  Kópir tusynda áıel kishigirim jol apatyna ushyraıdy.  Oqıǵa ornynda polısıa qyzmetkerleri jetkenshe balasyn ustap kópir boıynda turǵan.  Sol sátte ózin jáne sábıin qaýipsiz jerde turmyz dep oılaǵan.

Alaıda sol jerde taǵy bir jol apaty oryn alady. Eki kólik bir-birine jol bermeı , bir kólik Djennıfer men onyń sábıin soǵady. Aýyr soqqydan ana men bala 9 metrlik kópirden asfáltke qulaǵan.

Tańqaldyratyny , sábı birshama bıiktikten asfáltke qulasa da esh jerine zaqym kelmegen. Al anasynyń omyrtqa bóligi zaqymdanyp, aıaǵy men qabyrǵasy synǵan.

Djennıferge sońǵy 10 aı ishinde 14 operasıa jasaldy. Ókinishtisi dárigerler naýqastyń aıaǵyn qalpyna keltire almady.   Búginde jasandy aıaq arqyly qaıta júrýdi úırenip júr.  Djennıfer óziniń osy ýaqytqa deıin aýrýmen kúresýiniń basty sebebi uly ekenin aıtqan bolatyn.

Daıyndaǵan: Aıgerim Taýbaı