Sáýirdiń basynan Venesýelada prezıdent Nıkolas Madýroǵa qarsy aksıalar ótýde. Birneshe adam qaza tapsa da, sherýilshilerdiń tolastar túri joq.
Opozısıalyq top prezıdenttiń jańa parlament qurý, Ulttyq Assambleıany joıý, memlekettik konstıtýsıasyn ózgertý jónindegi sheshimine qarsy narazylyq sherýine shyqqan edi.
Bı-bı-sı-diń óńirlik tilshisi sherýge shyqqandarmen tildesip qaıtty, dep habarlaıdy Qamshy aqparattyq agenttigi.
«Biz balalarymyz úshin kúresemiz!» - Marıa Alvares, 57 jas, qaterli isik aýrýyna shaldyqqan
Venesýelada adam balasynyń erkindigi shekteýli. Óz oıyn ashyq aıtý degen túsinikten ol jerdiń turǵyndary maqurym qalǵan.
Onyń ústine, dáriler, basqa da taýarlar taýsylýdyń ústinde.
Daǵdarys ár otbasynda kórinis taýyp jatyr. Áleýmettik jaǵdaı jaǵynan eń tómengi dárejege tústik. Kún saıyn kedeılenip baramyz. Balalarymyzdyń bolashaǵy qarań. Ár kúni bir balany óltirip ketedi.
Men sherýge ana retinde shyǵyp júrmin. Óz balalarym úshin emes, búkil venesýelalyq balalar úshin, eldiń tutqasyn qolynda ustar boashaq jastar úshin júrmin bul jerde.
Rejım opozısıany terrorıster retinde kóredi. Bizge bul unamaıdy, sol úshin de narazylyq tanytamyz.
Men aqtyq demim qalǵansha narazy toptyń qatarynda bolamyn. Ózim sút bezi qaterli isigin ótkerdim, qazir táýirmin. Biraq sońyna deıin kúresemin.
«Men sońyna deıin qarsylyq tanytamyn!» - La Merte (ólim), laqap aty, 27 jasta, qara bazardyń saýdageri
Narazylyq aksıasynda júrgenime osymen 32 kún boldy, bir kúnin jibergen emespin. Elimizde bolyp jatqan jaǵdaıdyń kesirinen 2 aı boıy jumyssyzbyn. Men jumys istegen fırma Venesýeladan kóship ketti.
Eki balam bar, olardy asyraý úshin qara bazarda saýdamen aınalysyp júrmin.
Bul jerde Venesýeladaǵy dıktatýraǵa núkte qoıý úshin júrmiz. Balalarymyz táýelsiz memlekette ómir súrgenin qalaımyz.
Bizdi halyq qoldaıdy, tamaq ákelip turady, olardy tastamaıtynymyzdy biledi.
Men árdaıym ózimmen Venesýelanyń kartasy beınelengen qalqandy alyp júremin. Memlekettik qaýipsizdik mekemesiniń adamdary izimizge túskendikten, betperdemen júrmin.
35 kúnniń ishinde 30 adam qaza boldy, biz solar úshin kúresemiz.
«Biz mundaı ómirge laıyq emespiz!» - Mıgel Pızarro, 29 jasta, opozısıalyq depýtat
Bul aksıaǵa qatysýyma ápkemniń basynan ótkeni sebep boldy. Ol maǵan ana da, áke de bola bildi. Ata-anam kóbine saıası istermen shet elderde júretin.
Ápkemniń jasy 38-de, 2012 jyly qaterli isikke shaldyqty.
Elimizdegi dári-dármekpen emdedik, biraq isik ulǵaıa berdi. 2014 jyly dári-dármek óndirýshi zaýyt jumysyn toqtatty, qaıta ashylmady.
Saldarynan isik ulǵaıyp, ápkemniń jaǵdaıy nasharlap ketti. 2015 jyly otbasymyzben ony shetelge jiberdik. Qazir ol shet elde em qabyldap júr.
Ápkemmen amaldyń joqtyǵynan telefon arqyly ǵana tildesýge ıtermelegen bul memlekette ómir súrgim kelmeıdi. Ár tańym men keshterim ápkemdi oılaýmen ótedi.
Narazylyq aksıasynda kek alý maqsatynda júrmin.
«Men bul memlekette qorǵansyzbyn, biraq kúsh jınaýym kerek!» - Alba Fernandes Torres, 74 jasta, dáriger
Men narazylyq aksıasyna óz erkimmen shyqtym, áli de jalǵastyramyn.Bul biz úshin úlken táýekel, biraq bostandyqqa qol jetkizgimiz kelse, qaýip-qatermen ushyrasýǵa týra keledi.
Balalyrm meni qatty ýaıymdaıdy, biraq qoldaıdy.
Jasyma qaramastan, elimniń táýelsizdigi úshin kúresý – meniń mindetim.
Orta tapty qıratqan bıliktiń aýysýyn talap etemin.
Anestezıolog bolyp jumys isetegendikten elde densaýlyq saqtaý salasynda qıyndyqtar týyndap jatqanyn aıta alamyn.
Aýrýhanalarda eshteńe qalmady. Men qaterli isikke shaldyqtym, biraq tekesirsten ótetin múmkindik joq.
Durys tamaqtanbaıyn boldym, energıa beretin taǵamdar qalmady.
Myna adam (prezıdent Nıkolas Madýro) bılikten ketpeıinshe, men aksıaǵa qatysatyn bolamyn. Ol mindetti túrde ketedi, men oǵan senmidimin.
Daıyndaǵan: Gúlim Jaqan
