Tanymal fızık Stıven Hokıng óziniń Jerdiń bolashaǵy týraly boljamyn ózgertken. Bul týraly Qamshy aqparattyq agenttigi habarlaıdy. Brıtandyq ǵalym jańa boljamyn halyqqa jarıa etken. Ǵalymnyń aıtýy boıynsha adamzat balasyna basqa planetaǵa kóshý úshin 100 jyl ýaqyty ǵana bar.
«Klımattyń ózgerýi, asteroıdtar soqtyǵysy, túrli epıdemıalar, adam sanynyń kúr ósýi- barlyǵy jer sharyn turaqsyzdyqqa ákelýde»-deıdi ol óziniń jańa derekti fılminde.
Osy oraıda adamdar jańa ǵalamsharǵa aldaǵy 100 jyl ishinde kóship úlgerýi kerek. Olaı bolmaǵan jaǵdaıda adamzat joǵalyp ketýi qaýpine kezigedi.
Osyǵan deıin ǵalym adamzat 1000 jyldan keıin joıylady degen boljam jasaǵan bolatyn. Jer shary adamdary úshin eń qaýipti nárse- ıadrolyq soǵys, jahandyq jylyný, genetıkalyq modıfıkasıalanǵan vırýstar men jasandy ıntellekt deıdi ol.
Sholýshy: Nazerke MUSA
