Aldaǵy aıda elektrondy Úkimet portalynda jańa «Jeke kabınet» iske qosylady.  Egov.kz ázirleýshileriniń aıtýynsha, jańa «Jeke kabınet» úsh negizi komponentterden turatyn bolady: «Derbes qujattama», «Habarlama» jáne «Azamattyń kómekshisi».

Atap aıtqanda, «Derbes qujattamada» azamatqa memlekettik derekter qoryndaǵy ol týraly barlyq  aqparat qoljetimdi bolady. Iaǵnı onda aty-jóni men kýáliginiń nómirinen bastap mekenjaı tirkeýi men otbasy jaǵdaıy týraly, odan basqa, qujattama jyljymaıtyn múlik kólik quraldarynyń ıesi jaıynda, áleýmettik mártebesi, sondaı-aq alynǵan lısenzıalar týraly aqparat qamtylady.  Memleket azamatqa eger jeke kýálikti aýystyrý merzimi jetken jaǵdaıda, aıyppul jazylǵan kezde jáne ony tóleý kerek bolǵanda, sonymen qatar balabaqshaǵa balanyń kezeginiń reti ózgergen jaǵdaıda habarlaıtyn bolady. 

QazAqparattyń jazýynsha, jyldyń aıaǵynda paıdalanýshynyń «Jeke kabınetine» jyljymaıtyn múlik quqyq ıesiniń ózgergendigi týraly, kólik júrgizýshi kýáligin aýystyrý jáne tehnıkalyq baıqaýdy ótý qajettiligi týraly, balabaqshaǵa balanyń kezeginiń jyljýy jaıynda jáne basqa da habarlama keletin bolady. Habarlama sonymen qatar azamattyń elektrondyq poshtasyna jáne uıaly telefonyna  jiberiledi. Paıdalanýshyǵa qolaıly bolýy úshin olardy alýǵa qol qoıý nemese jazýǵa múmkinshilik berilgen. Aldaǵy ýaqytty egov «Jeke kabınetiniń» jańa múmkinshilikterin zańdy tulǵalarda da paıdalana alatyn bolady. 

Qamshy-aqparat