Búginde Túrkıa men Qazaqstan arasyndaǵy saýda aınalymy 4 mlrd. dollarǵa jýyq. Keleshekte bul kórsetkish 10 mlrd. dollarǵa deıin jetkiziledi. Ekijaqty baılanysty túrikterdiń jıhaz jasaýshylary nyǵaıtýdy kózdep otyr. Búginde túrki elderimen aradaǵy saýda-sattyq, ekonomıkalyq jáne iskerlik qarym-qatynas nyǵaıa túsken. Jýyrda Almatyǵa kelip qaıtqan Túrkıadaǵy jıhaz jasaýshylary asosıasıasynyń músheleri bizdiń jıhaz jasaýshy kásipkerlermen kezdesti.
Basty maqsat – seriktestik ornatý
Túrkıanyń Bursa oblysyna qaraıtyn Inegól qalasynda Jıhaz jasaýshylar asosıasıasy jumys isteıdi. Osy Asosıasıanyń prezıdenti Ózjan Aıhan myrza Qazaqstandaǵy jıhaz jasaýmen jáne satýmen aınalysatyn kásibı mamandardy bıyl Inegól aýdanynda uıymdastyrylatyn kórmege shaqyrdy. Onyń aıtýynsha, MODEF EXPO-2014 kórmesi 2014 jyldyń 4-8 qarashasynda Jer sharynyń túkpir-túkpirinen qatysatyn 1500 satyp alýshyǵa qyzmet kórsetýge daıyn. Modef Fuarcılık uıymdastyratyn sharada qoıylatyn ónimderdiń túrleri: zamanaýı, klasıkalyq, antıkalyq jáne modýldik jıhaz. Ónimder: kreslolar, oryndyqtar, dıvandar, balalar men jasóspirimderge arnalǵan jıhazdar, fýrnıtýra. Hıkmet Shahın Mádenı baǵyndaǵy Halyqaralyq kórme ortalyǵynda ótkiziletin sharaǵa shaqyrylatyndar: jıhaz dúkenderi, dúkender jelisi, kóterme saýdamen aınalysatyndar, ımporterlar, eksporterlar, alypsatarlar, arhıtektorlar, ıntererlerdiń dekoratorlary, óndiristik dızaınerler, jıhaz jasaý kásibimen aınalysatyndar t.b.
Inególde osymen 34-ret ótkizilgeli otyrǵan «Modef Expo 2014» kórmesinde álemdik deńgeıde tanylǵan túrik kompanıalary jıhaz jáne dekorasıa salasyna qatysty ónimderin usynbaqshy. Shara barysynda uıymdastyrýshylrar qaýymy búginde ekonomıkasy qarqyndy damyp kele jatqan Ortalyq Azıadaǵy Qazaqstan, Ózbekstan, Túrkimenstan, Tájikstan, Ózbekstan, Qyrǵyzstan sıaqty túrki memleketteri, Taıaý Shyǵys, Soltústik Afrıka, Balqan elderinen keletin tutynýshylarǵa arnaıy kezdesýler ótkizýdi josparlap otyr. Basty maqsat – ınvestısıa tartý. Osy oraıda, Modef Expo men «Antexpo» Halyqaralyq Marketıń pen qatysýshylardy tartatyn seriktes kompanıasy Iran, Irak, Birikken Arab Ámirlikteri, Iordanıa, Lıvan, Egıpet, Bolgarıa, Aljır, Marokko, Týnıs, Qazaqstan t.b. álemniń 30-dan astam elimen baılanys ornatyp, VIP satyp alýshylardy jıhaz óndirisine tartý maqsatynda jumys istep jatyr.
Byltyr «Modef Expo-2013» kórmesinde jergilikti 145 kompanıanyń jıhaz álemine qatysty eń sońǵy úlgidegi ónimderi satyp alýshylardyń nazaryna usynylǵan bolatyn. Osy sharaǵa Jer sharynyń 62 elinen 2454 sheteldik qonaq qatysty. Bul otyz úsh jyldyq tarıhy bar kórmedegi eń joǵarǵy kórsetkish edi. Aıta keterligi, kórmege qatysýshylardyń 3 kúndik qonaqúıin, Stambuldan Inególge deıingi jetkizetin kóligin, tańǵy jáne keshki astaryn t.b. shyǵynyn uıymdastyrýshylar kóterdi.
Bıyl kúzde ótetin kórme barysynda qatysýshylar Inególdegi jıhazshylar jasaǵan ónimderdiń zamanaýı, klasıkalyq t.b. keń aýqymda daıyndalǵan úlgilerimen tanysa alady. Osynyń arqasynda «Inegól – Túrkıanyń jıhaz salasynyń kúretamyry» dep beker atalmaǵanyna kóz jetkizedi.
Halyqaralyq satyp alýshylardy «Modef Expo-2014» kórmesine tirkeý endigi bastalyp ketken jáne qatysýshylarǵa arnalǵan úlgige ár satyp alýshy ózderi týraly málimetteri qosa tirkeýi qajet. Sonymen qatar «Modef Expo 2013» kórmesiniń Hosted Buyer baǵdarlamasyna tapsyrys berý úshin «Antexpo» seriktes kásipornyna habarlasýy tıis. Halyqaralyq deńgeıde ótkiziletin sharaǵa top bolyp qatysýdy kózdeıtinderdi uıymdastyrýshylar qaýymy qushaq jaıa qarsy alady. Kórme týraly tolyq málimetti www.modef.com.tr saıty arqyly alýǵa bolady.
Jıhazdy 110 elge eksporttaıdy
Túrkıadaǵy jıhaz óndirisi qarqyndy damyp kele jatqan salalar qatarynda jáne osynyń arqasynda túrik kásipkerleriniń halyqaralyq básekelestikke tótep berýine jaǵdaı jasady. Sapa, úlgi jáne baǵa ózara úıleskende tutynýshylyq suranystyń artatyny anyq. Búginde jıhaz salasynan túsetin 60 mıllıard AQSH dollarynyń 25 paıyzy álemdik naryqqa tıesili. Osy kórsetkishtiń 35 paıyzyn ıemdengen Inegól jıhazshylary eksport kólemin 1 mlrd. AQSH dollaryna jetkizýdi kózdep otyr. Bul maqsatqa qol jetkizý ábden múmkin. Óıtkeni Inególde 260 iri jıhaz fabrıkasy, 1000 jıhaz salony jáne 1500 óndiris ortalyǵy bar. Túrkıadaǵy eń iri jıhaz eksporttaýshy degen ataýyn da saqtap qalýǵa sep bolǵan osy múmkindik. Qazir Inególdegi 1300-den astam jıhaz kompanıasy álemniń 110-nan astam eline óz ónimin eksporttap otyr.
Negizi Modef Expo – keń aýqymdaǵy sapaly jıhaz ónimderin arzan baǵaǵa satyp alýdy kózdeıtinderge arnalǵan kórme. Ónim jasaýǵa qajetti shıkizattar Inególde óndiriletindikten, sapasy óte joǵary ári quny tómen. Eksporttaıtyn kezde qoıylatyn baǵa da kádimgideı kóńil qýantady. Satyp alýshylar úshin taǵy bir tıimdi nárse, Eýropa men Azıanyń qaq ortasyndaǵy Túrkıa – eýropalyq elderge, túrkitildes memleketterge, Taıaý Shyǵysqa túrikterdiń ónimderin ımporttaý úshin qolaıly meken. Osynyń arqasynda ekijaqty seriktestik qary-qatynas túziledi.
Inególdi kórgende armanda, kórmegen de...
Jıhazdardyń san túrin usynatyn kórmeden basqa Inególde jatjurttyqtardy qyzyqtyratyn tarıhı mekender kóp. Tabıǵatynyń sulýlyǵyn sózben aıtyp jetkize almaısyz. Al Oılat dep atalatyn shıpajaı ornalasqan jerdiń ádemi tabıǵaty men arzan baǵasy da kópshiliktiń kóńilinen shyǵady. Osman ımperıasy kezinde salynǵan ǵımarattar men tarıhı nysandar, meshitter 700 jyl boıy ústemdik qurǵan ımperıanyń bir úzik syry ispetti. Sonymen qatar Inególdegi qala murajaıynyń jóni bólek.
Ulydaǵ taýynyń etegine jaıǵasqan Inegól aýmaǵyn adamdar ejelden mekendegen. Eskendir Zulqarnaıyn basqarǵan memlekettiń, Vızantıa ımperıasynyń quramynda bolǵan osy jerdi XIV ǵasyrda İ Osman sultan Osman ımperıasynyń irgetasyn qalaǵan. Býrsa provınsıasyna qaraıtyn Inegól teńizden 2543 metr bıiktikte ornalasqan. Inególde shańǵy tebý sıaqty basqa da qysqy sport oıyndary jaqsy damytylǵan. Ósimdikter men janýarlardyń san túri shoǵyrlanǵan Ulttyq baǵy qandaı! Bir kezderi jergilikti ónimderi orman sharýashylyǵynyń arqasynda damyǵan bolatyn. Bul úrdis 1950-jyldardyń basyna deıin jalǵasqan. Alaıda, 1980-jyldardan keıin ónerkásiptik aımaqtyń yqpaly tıgen Inególde ónerkásip salasy erekshe qarqynmen damı bastaıdy. Búginde jıhaz salasymen birge tarıhı, densaýlyq jáne sport týrızmderi jaqsy damyǵan.
AntExpo Org. ve Dan. Tic. Ltd. Şti
(Int'l Marketing & Visitor Promotion Partner of Modef Expo 2013)
Address: Barbaros Mah. Öner Sok.
Deluxia Palace No:5 K:2 D:68 Batı Ataşehir - İstanbul / TURKEY
Tel: +90 216 541 0390 Fax: +90 216 541 0389 Skype: rabia.alga
E-mail: rabia@antexpo.net Web: www.antexpo.net
For Modef Expo Inquiries Please Contact
Mrs. Aysun SANATÇI / Fair Organizatıon & Foreıgn Trade Manager
MODEF Fuarcılık Tic. Ltd. Şti
Kemalpaşa Mah. Okullar Cad. No:11
Hikmet Şahin Kültür Parkı Uluslararası Fuar Merkezi 16400
İnegöl / Bursa / Turkey
Tel: +90 224 713 16 26 Fax: +90 224 712 18 68 GSM: +90 532 626 57 00
E-mail: aysun@modef.com.tr Web: www.modef.com.tr
