Grýzıa prezıdenti Georgıı Margvelashvılı qazan aıynyń sońynda Japonıaǵa sapary kezinde Tokıo basshylyǵynan óz memleketin basqasha ataýdy suramaq, bul týraly «Rossııskaıa gazeta» basylymyna silteme jasap Bnews.kz jazdy.

Grýzıa eliniń Reseıden kirgen «Gýrýdzıa» (orys tilindegi «Grýzıa» sózi) ataýymen atalýyna el basshylyǵy qarsy shyǵyp, amerıkalyqtar sıaqty «Djordjıa» dep atalýyn qalaıdy. Tbılısı basshylyǵy Baltyq jaǵalaýyndaǵy elderdiń bılik oryndarymen baılanysyp, orystardan kálka etip alynǵan «Grýzıa» ataýymen atamaýdy surap otyr. Eldiń syrtqy ister mınıstri Maııa Pandjıkıdzeniń aıtýynsha, qazir osy baǵytta qyrýar jumystar atqaralyp jatyr. «Tbılısı bıligi óz degenine áıteýir bir jetpeı-qoımaıdy», - depti osy eldiń mınıstr hanymy.

Aıta ketsek, Grýzıa aǵylshyn tilinde «Georgia»  bolyp jazylady. Túrikter Grýzıany Gúrjistan dep ataıdy. Qazaqstan bolsa postkeńestik eldermen birdeı Grýzıa dep ataıdy.

Qamshy-aqparat