Ońtústik Karolına (AQSH) turǵyny óziniń 6 jastaǵy balasyn Analar kúninde quttyqtaý qaǵazyn syılamaǵany úshin soqqyǵa jyqqan. Bul týraly Qamshy aqparattyq agenttigi life.ru-ǵa silteme jasap habarlaıdy.
30 jastaǵy Shontrell Merfıdiń úıine kelgen polısıa Merfıdiń jylap otyrǵan kári anasy men eki ulynyń ústinen túsken. Edende jyrtylyp tastalǵan quttyqtaý qaǵazyn kórgen.
Úı turǵyndarynyń aıtýy boıynsha, Merfı óz balasynyń quttyqtaý qaǵazyn ózine emes, apasyna syılaǵanyn bilgen kezde esinen aljasa jazdaǵan. 6 jastaǵy balasynyń apasyna syılaǵan quttyqtaý qaǵazyn jyrtyp laqtyryp tastaǵan ol, balasyn tópeleı jónelgen. Merfıdiń balalary polısıaǵa buryn-sońdy da soqqyǵa jıi jyǵylatyndyqtaryn aıtyp bergen.
