Vınsent esimdi jas sábı Shvesıada óziniń ata-anasymen birge ómir súrýde.  Bir qaraǵanda ózimen jasty balalardan esh aıyrmashylyǵy joq bolyp kórinedi. Alaıda Vınsenttiń dúnıege kelýine dárigerler  kóp kúsh jumsaǵan, dep habarlaıdy Qamshy aqparattyq agenttigi.

Vınsent ákesi Klaýs pen anasy Malın ekeýiniń mahabbatynyń  jemisi ǵana emes medısınanyń aralasýy arqyly dúnıege kelgen sábı.  Bul jaǵdaıdy ákesi men anasy bir jyl boıy búkil álemnen jasyryp kelgen, alaıda bul medısınanyń ozyq úlgisin tanytyp otyrǵan jaǵdaı kópshilikke jaıyldy.

Sábıdiń dúnıege kelýi álemdegi myńdaǵan áıelderge úmit otyn syılady.

Buryn Malın ózin eshqashan ana bola almaımyn dep oılaǵan. Sırek kezdesetin týa bitken aýrý boıynsha áıel jatyrsyz dúnıege kelgen. 29 jasqa deıin ózine ana bolý baqyty buıyrmaıdy dep sanaǵan.

Alaıda kásibı gólf oıynshysy Klaýs Nılsonmen otaý qurǵannan keıin ómiri túbegeıli ózgeredi. Eri áıeliniń bedeý ekenine kóngisi kelmeı , túrli joldaryn qarastyra bastaıdy.

Tarıhta eń alǵashqy jatyr aýystyrý 1931 jyly oryn alǵan.  Alaıda áıeldiń aǵzasy jańa organdy qabyldaı almaı 3 aıdan keıin kóz jumady.

Tarıhtaǵy alǵashqy sátti operasıa  Túrkıa elinde 2011 jyly jasalady. Biraq operasıadan keıin áıel bala kótere  almaǵan.

Al Malın 2014 jyly óziniń ulyna jaryq dúnıe syılap, qanshama sóngen úmittiń otyn qaıta jaqty.

Malınge óziniń jatyryn 61 jastaǵy sol otbasynyń jaqyn dosy syılaıdy. Jatyr bergen áıeldiń eki balasy ,4 nemeresi bar. Al jańa týylǵan Vıtsondy «jetinshi keremetke» teńeıdi.

Operasıadan keıin Malınniń jatyryn alyp tastaýǵa týra keldi. Vıtsonnyń inisi men qaryndasy bolmaıtyny anyq , biraq Vıtsondy bastaryna qonǵan baqqa balap otyr.

Daıyndaǵan: Aıgerim Taýbaı