Qytaıdyń Szánszın qalasynda ıt tirileı kómilgen sábıdi qutqaryp qaldy dep habarlaıdy Qamshy aqparattyq agenttigi Segodná-ǵa silteme jasap.
It ıesiniń aıtýynsha, ol jerden áldeneni ıiskelep, qaza bastaǵan. Qazylǵan shuńqyrǵa jaqyndaǵanda aq mataǵa oralǵan jylap jatqan sharanany kóredi.
Qutqarylǵan balanyń dúnıege kelgenine nebári bir aı ǵana bolǵan. Sábıdiń temperatýrasy tómen túsip ketken jáne júrek soǵysy baıaýlaǵan. Qazir ol dárigerlerdiń qatań baqylaýynda. Sábı saýyǵyp keledi.
Polısıa balanyń jaqyndaryn izdestirip jatyr. Bala shetinep ketti dep oılap, qatelikpen tirileı kómilgen degen boljam bar.
Sholýshy: Ásem Álmuhanbet
