Hakerler áıgili Walt Disney-diń áli ekranǵa shyǵa qoımaǵan daıyn fılmin urlap ketken. Bul týraly kompanıanyń bas dırektory Bob Aıger aıtqan dep habarlaıdy Qamshy aqparattyq agenttigi The Hollywood Reporter deregine súıenip.
Aıgerdiń sózinshe hakerler kompanıadan kóp aqsha talap etken, tólemegen jaǵdaıda fılmdi jarıalap jiberemiz dep bopsalaǵan. Degenmen Walt Disney kıberqylmystylarǵa tólem jasaýdan bas tartqan. Alaıda, áńgime naqty qaı fılm týraly bolyp jatqanyn Aıger ashyp aıtpaǵan.
12 mamyrda jalpyálemdik hakerlik shabýyl oryn aldy. Olar Ulybrıtanıa aýrýhanalarynyń serverin, Germanıanyń alpaýyt temirjol operatorynyń, fransýzdyq avtoóndirýshi Renault kompanıasynyń serverlerin búldirgen. Reseıdiń İİM, «MegaFon», «VympelKom» jáne MTS telekomýnıkasıalyq kompanıasy, Reseı densaýlyq saqtaý mınıstrligi, Reseı temirjoly, Sberbank zardap kórgen.
Eýropa Odaǵynyń Polıseı dırektory Rob Wainwright juma kúni Álem boıynsha kıbershabýyldan 150 elde 200 myń kompúterdiń zardap kórgenin, bulardyń kóbi jumys ornyndaǵy, keıbiri úlken kompanıalardyń kompúterleri ekenin málimdegen.
