Jol apatynda kóz jumǵan júkti áıeldi jerleý kezinde sábıdiń jylaǵan daýysy estilgen dep habarlaıdy Qamshy aqparattyq agenttigi vladtime.ru-ǵa silteme jasap.
Qyz Toronto qalasynda dúnıege kelgen. Onyń anasy aýrýhanaǵa bara jatqanda jol apaty bolyp, kóz jumdy. Ol ýaqytta áıel júktiliktiń jetinshi aıynda edi.
Oqıǵa bolǵan jerge kelgen jedel járdem qaıtys bolǵan áıelge kómekteskisi kelgen. Alaıda ana men sábı óldi dep sheshken. Odan keıin áıeldi máıithanaǵa áketti. Onda máıit 17 saǵat jatqan.
Tabyttan sharananyń jylaǵan daýysy estilgennen keıin, adamdar ony dereý aýrýhanaǵa jetkizgen. Sábıdiń jaǵdaıy aýyr boldy. Ony arnaıy ınkýbatorǵa ornalastyrdy. Onda sábı 4 aı jatty. Sharana aman qaldy.
Dárigerler muny naǵyz ǵajaıypqa balaıdy. Tájirıbelerinde buryn-sońdy mundaı bolmaǵanyn aıtady. Dárigerler sábıdiń qaıtys bolǵan anasynyń denesinde qalaı tiri qalǵanyn zerttep jatyr.
Qaıtys bolǵan ana men onyń tiri qalǵan sábıiniń esimi qupıada saqtaldy.
Sholýshy: Ásem Álmuhanbet
