1994 jyly qaıǵyly oqıǵa boldy. Ronald Opýs esimdi jas amerıkandyq ózine qol jumsaýdy uıǵarady. Óler aldynda mundaı qadamǵa barýyna qarjylyq qıyndyqtar men ata-anasy kináli ekenin aıtady. Osydan keıin toǵyzynshy qabattan sekirip ketedi.
Bıik ǵımarattardyń terezesin jýýmen aınalysatyndar jetinshi qabatta saqtyq úshin arnaıy tordy ilip qoıǵandyǵyn bilgende, sýısıd jasaýdyń basqa ádisin oılap tabar ma edi. Alaıda bala tómenge qaraı qulap kele jatqanda 8-shi qabattyń turǵyndarynyń biriniń atqan oǵy balanyń basyna tıip ol kóz jumady.
Ronaldtyń máıitin tordan alyp shyǵyp, kim ekenin anyqtap jatqanda oqtan qaıtys bolǵany belgili bolady. Polıseıler oq atqan adamǵa abaısyzda kisi óltirý boıynsha qylmystyq jaýapkershilikke tartý kerek dep sheshedi.
Ary qaraıǵy tekserý barysynda jańa jáıttardy anyqtaıdy. Belgili bolǵandaı, er adam óziniń áıelin atpaq bolǵan. Alaıda oq áıeline emes terezege tıgen. Bul degenimiz abaısyzda kisi óltirý aıybyna taǵy qasaqana kisi óltirýge oqtalý babyn qosý degen sóz.
Er adam áıelimen urysqanda ashý ústinde únemi tapanshamen jubaıyn qorqytady eken. Alaıda qarý oqtalmaǵanyn jáne er adam áıelin qorqytý úshin ǵana qoldanatynyn aıtqan.
Jubaılardyń ekeýi de qabyrǵada ilinip turǵan qarý eshqashan oqtalmaǵanyn aıtqan. Amerıkanyń zańyna sáıkes, endi tapanshany kim oqtaǵanyn izdeý qajet edi. Bólmege tek balasy ǵana erkin kire alatyn. Polıseıler balasynyń dostaryna habarlasyp kóp aqparatty bildi.
Balasy ákesiniń anasyna únemi qabyrǵada ilinip turǵan tapanshamen qorqytatynyn bilgennen keıin ony oqtap qoıǵan. Osylaısha ákesi anasyn atyp tastap túrmege otyrady dep úmittendi. Alaıda ata-anasy sońǵy bir aı tatý-tátti turǵan. Bul balasynyń josparyn iske asyrmaǵan. Osynyń barlyǵyn uıymdastyrǵan balasy ekenin bilgen ákesi ashýǵa býlyǵyp, balasynyń sazaıyn berýge bekingende, balasynyń bir qabat joǵary turatyny belgili boldy.
Ózine qol jumsaǵan Ronald Opýs solardyń balasy bolyp shyqty. Tapanshany Ronald oqtaǵany belgili boldy jáne aram pıǵyly ózine qarsy jasaldy.
Daıyndaǵan: Ásem Álmuhanbet
