Parlament senaty búgin plenarlyq otyrysynda "Eýrazıa ekonomıkalyq odaǵy týraly kelisimdi ratıfıkasıalaý týraly" zań jobasyn maquldady. Bul týraly «Azattyq radıosy» habarlady.
EAEO (Eýrazıa ekonomıkalyq odaǵy) Reseı, Qazaqstan, Belarýs múshe bolyp otyrǵan Keden Odaǵy negizinde qurylý kózdelgen ekonomıkalyq odaq. Odaq qurý kelisimine úsh eldiń basshylary bıyl 29 mamyr kúni Astanada qol qoıǵan. EAEO qyzmetine 2015 jyly 1 qańtar kúni kirisý josparlanǵan. EAEO-da mynadaı organdar – joǵarǵy eýrazıalyq ekonomıkalyq keńes, eýrazıalyq úkimetaralyq keńes, eýrazıalyq ekonomıkalyq komısıa jáne EAEO soty jumys isteıdi.
Reseı memlekettik dýmasy Eýrazıa ekonomıkalyq odaǵy kelisimshartyn 26 qyrkúıek kúni ratıfıkasıalaǵan. Belarýs parlamenti kelisimdi ratıfıkasıalaý máselesin búgin qaraıdy.
QR Parlament palatalary maquldaǵan zań jobasy endi prezıdenttiń qol qoıýyna jiberildi.
Qamshy-aqparat
