16 jyl buryn Lıza Dann úshemge júkti edi. Lızanyń qýanyshynda shek bolmady. Alaıda kóp ýaqyt ótpeı-aq taǵdyr synaǵyna ilikti. Lıza qyzdardy operasıamen dúnıege ákeldi. Úshemde kúni jetpeı týylǵandardyń retınopatıa bar ekeni jáne kóz aýrýyna shaldyqqany belgili boldy. Sonyń saldarynan qyzdar kórý qabiletinen aıyryldy. Al qyzdar ekige tolǵanda antıbıotıktiń áserinen qulaqtary estimeı qaldy. Úshemge erekshe kútim qajet edi. Ol ýaqytta aýyrtpalyqqa shydamaǵan qyzdardyń ákesi otbasyn tastap, ketip qalǵan. Olardyń úsh qyzdarynan bólek, taǵy bir qyzy bar.

Lıza Dann tórt balany tárbıelep, úı sharýasymen aınalysyp, kún kóris qamyn da oılastyrýy kerek edi. Jalǵys basty anaǵa óte qıynǵa soqty. Kúıeýinen eshqandaı  materıaldyq kómek ala almady.  

Bir kúni Lızaǵa burynǵy Djordj esimdi jigiti habarlasty. Ekeýi aıyrylysyp ketse de Djordj Lızany súıýýin toqtatpaǵan eken.

Djordj Lızanyń tórt qyzyn týǵan balasyndaı qabyldady. Ekeýi birge olardy tárbıelep, ósirdi. Qyzdar da Djordjqa baýyr basyp ketken. Ony ákesindeı kóredi. Qyzdar týǵan ákesinen kórmegen qamqorlyqty Djordjan kórgenin aıtady. Jáne áke mahabbatyn sezine alǵandyǵy úshin Djordjqa alǵystaryn bildiredi. 

Daıyndaǵan: Ásem Álmuhanbet