AQSH Senatynyń ulttyq qaýipsizdik pen úkimettik ister komıteti Vashıngtondaǵy Reseı elshiligi ǵımaratyna qarsy kóshege Borıs Nemsov esimin berý týraly zań jobasyn qoldady dep habarlaıdy Qamshy aqparattyq agenttigi. Reseıdiń opozısıalyq saıasatkeri 2015 jyly aqpan aıynda Máskeýde qastandyqpen óltirilgen bolatyn.
BBC-diń orys qyzmetiniń jazýynsha respýblıkashyldar ókili Mark Rýbıo. Vıskonsın-avenmen qılys endi «Borıs Nemsov plaza» dep atalady jáne budan bylaı Reseı elshiligi osy adresti kórsetetin bolady.
Atalǵan zań jobasy kúshine enýi úshin AQSH kongresi maquldaýy tıis bolatyn. Sondaı-aq prezıdent Tramp qol qoıýy kerek.
Opozısıalyq saıasatker Borıs Nemsov 2015 jyldyń 27 aqpanynda Máskeýdegi Vasılev eńisinde qaza tapty. goda. Onyń ólimine 5 chechen aıyptaldy. Zaýr Dadaev, Anzor pen Shadıd Gýbashevy, Temırlan Eskerhanov jáne Hamzat Bahaev. Olardyń barlyǵy sotta kinásiz ekenin aıtqan.
Borıs Nemsov 1991 jyly Nıjegorod oblysynyń birinshi gýbernatory bolyp taǵaıyndalǵan edi. Keıin Reseı úkimetine aýysyp, janarmaı men energetıka mınıstri (1997) úkimet tóraǵasynyń birinshi orynbasary (1997—1998) qyzmetterin atqarǵan. 1998 jyly «Rossıa molodaıa» lıberaldyq qozǵalysyn qurǵan, keıin «Pravoe delo» koalısıasy (1998—2000) men «Soıýz pravyh sıl» partıasynyń negizin qalaǵan. Borıs Nemsov Reseı parlamentine de birneshe márte saılanǵan, 1990 jyly RSFSR halyq depýtaty atanǵan, 1993 jyly Federasıa keńesine ótken, 1999—2003 jyldary memlekettik Dýmanyń depýtaty, SPS fraksıasynyń jetekshisi atanǵan. Opozısıalyq «Solıdarnost qozǵalysynyń qurýshysy, «RPR-PARNAS» partıasynyń teń tóraǵasy, Reseı opozısıasy úılestirýshi keńesiniń múshesi bolyp kelgen. Aımaqtyq saılaýǵa da qatysyp, 2013 jyly Iaroslavl oblystyq dýmasyna «RPR-Parnas» atynan depýtat bolyp saılanǵan.
Borıs Nemsov Reseıdegi saıası ahýaldy sıpattaıtyn «Pýtın. Itogı. 10 let» jáne «Pýtın. Korrýpsıa» kitaptaryn jazǵan. Ol prezıdent Vladımır Pýtınniń kezindegi eń iri opozısıalyq narazylyq sharalaryna aınalǵan «Marsh nesoglasnyh» sherýi men «Za chestnye vybory» mıtıńilerin uıymdastyrǵan edi. Kremldiń Batysqa qarsy saıasatyn ashyq synap kelgen Nemsovtyń áleýmettik jelilerdegi jazbalary keń tarap, qyzý talqylana bastaǵan bolatyn.
