2016 jyly Qytaı bıligi shetelge qashyp ketken 2,5 myń jemqordy elge qaıtardy dep habarlaıdy Qamshy aqparattyq agenttigi. Sınhýa agenttiginiń habarlaýynsha, qashqyn sheneýnikterdi qolǵa túsirý úshin 2 jyl ýaqyt qajet boldy.

QHR qoǵamdyq qaýipsizdik mınıstrligi qashqyn sheneýnikterdi ustaý úshin arnaıy «Áýe júıesin» iske qosty. Ol arqyly 951 jemqor sheneýniktiń 72 elden tapqan. 

«Qytaı 2566 qashqyndy 90 elden alyp kelgen. Osy arqyly el búdjetine  8,6 mıllıard ıýandi qaıtardy» deıdi Sınhýa agenttigi resmı derekkózge súıenip.

Barlyq qashqyn sheneýniktiń 1238-i óz erkimen elge oralǵan.  «Áýe júıesiniń» arqasynda aqsha jymqyryp, onymen shetelge qashyp ketkisi keletin sheneýnikterdiń sany qysqarǵan. 2014 jyly 101 adam shetelge qashyp ketse, 2016 jyly olardyń sany 19-ǵa túsken.

Elge alyp kelingen sheneýnikterdiń bireń-sarańy ǵana barlyq múlki tárkilenip,  uzaq merzimdi ýaqytqa túrmege otyrady. Kóbi ólim jazasyna kesiledi.

Sholýshy: Ásem Álmuhanbet