Astana qalasy «AraiMediaGroup» stýdıasynda Disney jáne Pixar ónimi, jańa, jyldamdyǵy joǵary, anımasıalyq «Kólikter 3» múltfılminiń dýbláj jumystary aıaqtaldy, - dep jazady massaget.kz.

Aýdarmaǵa qatysqan akter sany – 100 adam. Múltfılm qaharmandary – jarys treginiń ańyzy Naızaǵaı Makkýın jáne onyń dostary taǵy da qazaq tilinde sóıleıdi. Atap aıtqanda, gollıvýdtyq týyndylardy dýblájdaý jumysy 2011 jyly dál osy «Kólikter 2» múltfılminen bastaý aldy. Jobany jasaý múmkindigi «Bolashaq» Korporatıvtik qory men Marwin kompanıasynyń arqasynda iske asyryldy. Disney kartınalarynyń qaharmandary qazaqstandyq kórermenderdiń kózaıymyna aınalýy, sonymen qatar búldirshinderdiń olarmen óz tilinde sóılesýi bizdi qýantatyn jaıt. Alǵashqy dýblájdalǵan múltfılm «Kólikter 2» jobasynyń rejıseri osy joly da shyǵarmashylyq top jumysyn óz qolyna alyp, «Kólikter 3» múltfılminiń de dýbláj rejıseri boldy. Nyshanbek Jubanaev osy jola da Naızaǵaı Makkýınniń daýysymen tanylady, al onyń dosy Metrdiń daýysyn 2011 jyly somdaǵan, Disney stýdıasy Metrdiń álemdegi eń jaqsy daýysy dep tanyǵan – Azamat Qanapıa.

Múltfılmniń basty qaharmany, kórermenniń kózaıymyna aınalǵan, aty ańyz Makkýın jarys tregi juldyzdarynyń qatarynan shyǵyp qalyp, jańa zamanǵa saı kólikterdiń shańynda qalyp qoıatyn jaıy bar. Alaıda Makkýınniń beriletin túri joq, ol Krýz Ramırez atty jas ári eń talantty mehanıkke kómek surap barady. Krýz keremet maman, ári óz jumysyn óte tyńǵylyqty oryndaıtyn adam. Ol Naızaǵaıdyń kóshbasshy bolýyna yqpal etýdi kózdeıdi. Krýz, qarsylastardyń qandaı álsizdikterin paıdalanyp, Makkýınniń jeńiske jetý joldaryn izdeıdi. 15 maýsymnan bastap elimizdiń barlyq.