"Keıbireýlerińiz bul baǵdarlamany kórgen de bolarsyzdar. Bizdiń túsirý tobymyz osy baǵdarlamany daıyndaý barysynda talaı qyzyqty ári qıly jaǵdaılardy basynan ótkerdi. Ujymǵa talaı qyzmetkerler keldi, eki kún ótpeı jatyp, jumystan bas tartyp ketip jatty. Sebebi telearnada ýaqyt, shyǵarmashylyq, tapqyrlyq pen tabandylyq sıaqty qasıetter synalady desem, meni osy saladaǵy áriptesterim qoldaıtyn shyǵar. Tańmen talasa turyp jumysqa jantalasamyz, suhbat alatyn keıipkerlermen habarlasyp, ár mekemegen hat joldap, túsirilim alańyn belgileý, qajetti kórnekilder daıyndaýdyń ózi bizdiń jumystyń negizgi bóligi. Jýrnalıstik zerteý jasap, ony korytyndylaý da uzaq ýaqyt talap etedi. Baǵdarlamany oınaqy ári túsinikti etip jasaý úshin bizdiń prodússerler men tilshiler biraz synaqtan ótti. San qıly tirlik ıelerimen jolymyz toǵysyp jatty. Biriniń ómirine qyzyǵyp qarasaq, ekinshisiniń tálkek taǵdyryn kórip jaǵamyzdy ustadyq. «Kim bilgen?» baǵdarlamasyn kópshiligińizge tanymal telejúrgizýshi Nýrıddın Bıdosovpen birge tamashalaıtyn bolasyzdar. Efırge jol tartqan jańa joba óz kórermenderin tabady dep senemiz!
Nurtilek RIANBEKQYZY
Qamshy-aqparat
