Mektepte sabaq bergen ustazdarymnyń árýaqtary keshirsin..
Bizdi oqytqan muǵalimderdiń kópshiligi 7-klass bitirip, artynan muǵalimder kýrsyn nemese ped.ýchılıshe bitirgen muǵalimder edi. Kópshiligi soǵysta bolǵan. Elge erkeleý, araqqa jaqyndaý...
1970 jyldardyń basynda ózge aýyldy bilmeımin, al bizdiń aýylda joǵary bilimdi azamattar saýsaqpen sanarlyq bolatyn. 
"Adam quqyǵy" degen uǵym baryn áke-sheshemiz túgili, "Aýyl ıntellıgensıasy" - muǵalimderimizdiń bilgeni kúmándi.
Jalpy, barsha halyqtyń túsinigi de sol deńgeıde..
"Eti seniki, súıegi meniki" degen zamannyń sońyn kórip qalǵan aǵaılarymyz úshin oqýshyǵa qol jumsaı salý túkke turmaıtyn. Tek maıyp qylmasa bolǵany.
Keıbir buzyqtaý balalardy "Ákeńniń aýyzy" dep bizdiń kózimizshe, boqtap urǵan aǵaılarymyzdy kórdik..
Oqýshynyń birin aǵaılarymyz kósheniń qarsy betindegi dúkenge temeki men araqqa jumsaı salýyn eshkim ersi kórmeıtin.
Áli esimde, biz 4-i oqyp júrgende meniń klastasymnyń 7-klasta oqıtyn ápkesine kórshi aýyldyń balasy hat jazypty. Ol hat klass jetekshiniń qolyna túsken. Álgi apaı búkil klasstyń aldynda ózine kelgen hatty áli qolyna ustap kórmegen búldirshin qyzǵa "jálep" dep urysqan.
Sol qyz sirke sýyn iship qaıtys boldy. 
Biz joǵary synypta oqyp júrgende aýylymyzdyń bir jigiti pedınstıtýt bitirip, ózimen birge bitirgen kelinshegin de aýylǵa ala keldi. Ekeýi de mektepte muǵalim. Álgi jas jeńge-apaıymyzdyń jaqpaı qalǵan balaǵa "Átáńá nálet mozga" - dep bor laqtyratyn ádeti bar bop shyqty.
Marqum bolyp ketken ustazdarymnyń árýaqtarynan taǵy keshirim suraımyn. Solardyń kópshiligi bizdi "Qudaı joq" dep úıretti. Ózderi ishteı sener-senbesin bilmeımin.
Olardy kinalaýdan aýlaqpyn. Biraq ıdeal jasaýǵa da qarsymyn
Keńestik ıdeologıa olardy syndyryp, ılep ózine qul etip qoıǵan edi.
Qazir zaman basqa, zań basqa..
Óz quqyǵyn qorǵaı almaǵan qul-muǵalim balańyzǵa jarytyp bilim men tárbıe bere qoıýy ekitalaı..

(Foto 1968 jyly túsirilgen)

Jazba Ómir Shynybekulynyń Facebook paraqshasynan alyndy.