Derekke súıensek, qazir sheteldik lańkestik uıymdardyń jeteginde júrgen 100 myńnan asa otandasymyz bar.  Almaty arnasy keltirgen bundaı málimetti elimizdiń bas prokýratýrasy málimdegen. Jyl basynan beri ekstremızm men terorıstik áreketke qatysy bar degen 30 qandasymyz temir torǵa toǵytylǵan.

Sonymen qatar, ǵalamtor arqyly ózge baǵytty úgitteıtin 1000-nan asa jazba materıalǵa tosqaýyl qoıylypty. Elimizde 2004 jyldan beri 15 terorıstik, 6 ekstremıstik uıym anyqtalǵan. Senat ekstremızmge qarsy usynylǵan qujatty keri qaıtarǵan. Óıtkeni, onda ekstremıstik nemese terorıstik uıym bolyp tabylatyn, sondaı-aq, elimizdiń tynyshtyǵyna nuqsan keletin aqparattyq materıaldar esepke alynbaǵan. Sonymen qatar, sheteldegi ózge baǵytty ustanatyn nemese qatysy bar adamdardy elge kirgizbeý týraly másele de qaralý qajet eken. Kelesi jyldan bastap jańa qylmystyq kodeks kúshine enedi. Onda ekstremızm men terorızmge qatysty jaza kúsheıtilgen. Degenmen, ózge aǵymdardy úgitteıtinderdiń qatary kóbeımese, azaımaǵan. Statısıkalyq málimet boıynsha, arbaýǵa túsetinderdiń basym bóligi jastar.

Qamshy-aqparat