Bıyl qasıetti Ramazan aıy 27 mamyrda bastalady. Adamdy sabyrlyq pen izgilikke, shydamdylyq pen tózimdilikke, jaqsylyqqa tárbıeleıtin aıdyń bereri mol. 30 kún boıy aýzyn bekitip, oraza tutqan ár musylman qashan da Allanyń nazarynda júredi. Deı turǵanmen, orazany tańnan qara keshke deıin ash júrý dep uǵatyndar da jeterlik. Oraza ustaǵanymen, ózin ustaı almaǵan adamdardyń nıeti de, duǵasy da qabyl bolmaıdy.

Osy oraıda «Nur Astana» meshitiniń ımamy Dáýren Múslimov oraza kezinde qandaı adamdardyń nıeti qabyl bolmaıtynyn aıtty.

“Alla qanshalyqty ulyq, Ramazan aıy qanshalyqty qasıetti bolsa da, myna 4 túrli adamnyń tilegi, nıeti qabyl bolmaıdy. Birinshisi ishimdik ishetinder, ekinshisi ata-anasymen baılanysyn úzgender, úshinshisi – týysqandarymen baılanysty úzgender, tórtinshi – bireýge kek saqtap, ósh alǵysy keletinder. Bul adamdardyń tilegen tilegi oryndalmaıdy, kúnálary keshirilmeıdi. Sondyqtan da aǵaıyndaryńmen arazdasyp, aralaspaı ketkender bolsa, keshirim surańdar, keshirimdi bolyńdar. Ramazan aıyn jaqsy ispen bastańdar”, - dedi ımam.

Aıta keteıik, 2017 jylǵy Ramazan aıy 26 mamyrdan 27-sine qaraǵan túni bastalady. 21 maýsymnan 22 maýsymǵa qaraǵan tún – Qadir túni.

Sholýshy: Gúlim Jaqan