Jetimder úıinen bala asyrap alǵysy keletinderdiń óz sebebi bar. Biri balaly bolalmaǵany úshin osyndaı qadamǵa barsa endi biri ómirdi qaıyrymdylyq is jasaǵysy kelgendikten bir jetimdi baýyryna basýdy maqsat tutady.

Asyrandy balany týǵanyndaı kórip, jaqsy kórip ketetinder barshylyq. Alaıda keıbiri jetimder úıinen balany tájirıbe júrgizetin janýar sekildi qabyldap, qatigezdip tanytyp jatatyndary da barshylyq.

Karlaıl Smıt esimdi er adam Greıvellder otbasymen kezdeısoq tanysty. Maıkl men Sharen 11 balany asyrap alǵan. Olar demalys alý úshin bala kútýshini bir kúnge jaldamaqqa bekinedi. Sol kezde Karlaıl bir kúnge bala kútýshi bolyp barady. Syrt kózge Maıkl men Sharen Greıvellder jóni túzý adamdar sekildi kórinedi. Dindi berik ustanatyn, jomart, jetim dese kómektesýge daıyn turatyn. Alaıda otbasylyq jup úıinde múlde basqa keıipke enetin.

Karlaılǵa eń aldymen Sharenniń balalardy maımyldar dep ataǵany unamady. Odan keıin ógeı anasy balalardyń birine bólmeden shyǵyp, óz toryna barýǵa buıyrǵan.

Bastapqy kezde Smıt shalys estidim dep oılady. Alaıda shyndyq ol oılaǵannan da qorqynyshty bolyp shyqty. Balalar rasymen de torda turady eken. Al túnde balalar qashyp ketpeýi úshin olardy janýar sekildi syrtynan qulyptap qoıady eken.

Asyrandy balalardyń ógeı ákesi Karlaılǵa balalardyń biri qashyp ketken jaǵdaıda ony saýsaqtaryndaǵy symmen tilingen jaraqattar arqyly tanıtynyn aıtady. Keıinirek ógeı ákesi ózin Moıseımen salystyrdy. Onyń aıtýynsha, evreı paıǵambary halyqty jaqsy ómirge qalaı jetelese, ol da asyrandy  balalardy dál solaı jaqsy ómirge alyp kelgenin aıtyp qalǵan. Muny estigen Smıt balalar psıhıkalyq aýrýǵa shaldyqqan qanpezerlerdiń qolyna túskenin baıqaıdy.

Úıden shyqqannan keıin Smıt birden áleýmettik qyzmet ortalyǵyna habarlasady. Ókinishke oraı, birden anyq dálel tappaı otbasylyq jupty uzaq ýaqyt baqylap, tekserýge týra keldi. Alaıda birneshe jyldan keıin Greıvellder otbasynyń asyrandy balalarǵa qatysty qatigez áreketteri áshkere bolyp, túrmege otyrdy. 

Daıyndaǵan: Ásem Álmuhanbet