Shymkentte  4 jastaǵy balasyn kúrekpen soqqyǵa jyqqan er adam ustaldy, dep habarlaıdy Qamshy aqparat agenttigi informburo.kz-ke silteme jasap.

Er adamdy 27 mamyr kúni tańerteń Eńbekshiqazaq aýdanynyń Aýdandyq ishki ister bóliminiń qyzmetkerleri qolǵa túsirdi. Er adam rasymen de Shymkent qalasynyń turǵyny bolyp shyqty. Er adam 49 jasta  jáne jumyssyz ekeni anyqtaldy. Ár túrli jumystar atqarý arqyly kún kóris jasap júrgeni málim boldy. Vıdeo kezekti jumys ornynyń  birinde túsirilgen.

Soqqynyń astynda qalǵan búldirshin ákesimen birge turatyny habarlaǵan bolatyn.

 Er adamnyń aıtýy boıynsha, balanyń anasy ekeýin tastap ketken.

Er adamnyń vıdeosy 25 mamyr kúni jelige taralǵan bolatyn. Sol kúnnen beri izdestirilý jumystary júrgizilgen.

Bul týraly vıdeony arnaǵa joldaǵan oqıǵanyń kýási jazyp jibergen. Beınejazbada er azamat 4-5 jas shamasyndaǵy balany bir-biriniń ústine qalanyp ornatylǵan kólik dóńgelekteriniń ishine turǵyzyp qoıyp, basynan kúrekpen uryp jatqany túsirilgen. Al sharasyz bala qorǵanyp, basyn qolymen jabýǵa tyrysady. Al oqıǵanyń kýási bolyp turǵan áıel balaǵa kómektesýge qulyqsyzdyq tanytqan.

Vıdeony jiberýshiniń aıtýy boıynsha, ákesiniń qatigez áreketteri kún saıyn qaıtalanyp otyrady eken. Bir kúni basyn kirpishpen ursa, kelesi kúni mazaq etýdiń, qorlaýdyń basqa túrlerin taýyp otyrady eken. 4 jastaǵy beıkúná búldirshinniń denesiniń saý jeri qalmaǵan. Kók ala qoıdaı sabap bolǵan soń, qantalap , kógergen jerlerin ketirý úshin saǵattar boıy sýyq sýdyń astynda turýǵa májbúrleıdi eken.
Er adamǵa Qazaqstan Respýblıkasynyń Qylmystyq kodeksiniń 110 baby boıynsha qylmystyq is qozǵaldy. 

Sholýshy: Aıgerim Taýbaı