32 jastaǵy Maıkl Devıstiń ata-anasy lotereıadan 101 mln. fýnt jeńip alady dep jazady Qamshy aqparattyq agenttigi sheteldik BAQ-qa silteme jasaı otyryp. Olar aqshanyń jartysyn qaırymdylyq qoryna berip, qalǵanyn týysqandary  men dostaryna beredi. Sonymen birge jalǵyz uly Maıklǵa 1 mln. fýnt bergende, alǵashynda Maıkl qatty qýanady. Biraq qolyna túsken aqshany Maıkl 1 aıdyń ishinde jaratyp tastap, ata-anasynan taǵy da  5 mln. fýnt berýin suraıdy. Biraq ata-anasy ulynyń  bul ótinishin oryndamaıdy.

«Meniń ómirim únemi osyndaı bolady dep oıladym.  Aqsha kóp bolyp eshqashan bitpeıtindeı kórindi. Biraq ata-anamnyń ótinishimdi oryndamaýy men úshin aýyr soqqy boldy»,- deıdi Maıkl. Ol shynymen de solaı oılaǵan. Tipti ol aqsha qolyna túskennen keıin jumystan da shyǵyp ketipti. 

Osy oqıǵadan keıin Maıkl óz ata-anasyn sotqa beredi. Óz ata-anasynyń is-áreketin adamgershilikke jatpaıdy dep eseptep sotqa aryz jazypty. Onyń aıtýy boıynsha ata-anasynyń jalǵyz ulyna 1 mln. fýntty ǵana bólip berýi durys emes eken. Alaıda sot onyń aryzyn qabyldamady.

«Maıklda keremet múmkindik boldy. Ol qolyndaǵy aqshamen óz oıyndaǵydaı ómir súrýine bolatyn edi. Alaıda ol múmkindikti paıdalana almady», - dep málimdedi sot.

Sholýshy: Ásel Óteshova