On segiz myń ǵalamnyń ıesi Alla taǵala Jer men Aspandy jáne ekeýiniń arasyndaǵy dúnıeni alty kúnde jaratqany málim. Bir aptada jeti kún bolsa, sonyń árqaısysynyń ózindik qadir-qasıeti bar dep jazady Qamshy aqparattyq agenttigi mazhab.kz-ke silteme jasaı otyryp. Sony taratyp aıtsaq:
Dúısenbi saýda jasaýǵa, saparǵa shyǵýǵa qolaıly kún. Saýda-sattyq ońynan kelip, sapar sátti bolady. Muhammed (s.ǵ.s) Paıǵambarymyzǵa Jebireıil perishte arqyly Alladan alǵash habar kelgen kún de osy kún.
Paıǵambarymyzben Muhammed (s.ǵ.s) dúısenbi dúnıege kelip jáne sol dúısenbide baqılyq bolǵan.
Haziret Ibrahım Qaǵba qurylysyna kirisip, aıaqtady.
Jańa qurylys bastaǵannyń isi ońynan kelip, joly bolady.
Tyrnaq alǵannyń aqyly artyp, zeıindi, uqypty, isteri ónegeli bolady.
Seısenbide Haýa Ana qaıyz qanyn kórgen.
Qabyl baýyry Ábildi qanǵa bóktirgen.
Ibrahım eli qasıetti Sıyqtyń ajalyna jetken.
Bul kúni tyrnaq alýǵa bolmaıdy, ókpe-renish týýy múmkin. Sátsizdikterdiń sabaqtasyp ketýi de ǵajap emes.
Sahabalar Allanyń elshisinen: «Bul qandaı kún?» -dep suraǵanda, «Qandy kún», – dep jaýap bergeni sondyqtan.
Sársenbi dushpanǵa qarǵys tıgen kún. Allanyń elshisi muny «Nahas kún» dep ataǵan.
Óte sátti kún sanalyp, jolǵa shyǵýǵa, jańa isterdi qolǵa alýǵa bolady.
Tyrnaq, shash alýǵa tyıym salynǵan, peıil buzylady delinedi.
Beısenbi Allanyń elshisi «Jaqsy kún» dep atapty, tilegen tilegiń qabyl bolyp, Táńiri suraǵanyńdy beretin kún.
Bul kúni Musa (ǵ.s.) paıǵambar Mysyrǵa kelgen.
Haziret Júsip (ǵ.s.) paıǵambardyń atasy men aǵalary zyndannan shyǵyp, qaıta qaýyshqan.
Allanyń elshisi Mekkeni dinimizdiń astanasy etken.
Tyrnaq pen shash aldyrǵannyń aýrýy ketip, kúlli aýrý-syrqaýǵa shapaǵat-emi mol kún.
Juma kúni paıǵambarlar – Júsip (ǵ.s.) Zylıqamen, Haziret Musa (ǵ.s) Sapýramen, Muhammed (s.ǵ.s) Hadısha jáne Aıshamen, Áziret Áli Fatımamen nekelesti.
Haziret Adam Ata (ǵ.s) jumada jaratylyp, tirshilik ıelerin tanyp, jánatqa kirip, rahatyn kórdi.
Bul kúni tyrnaǵy men shashyn aldyrǵannyń baq-dáýleti artyp, molshylyqqa keneledi.
Musylman balasy dúnıeden ótse, ımany kámil.
Túnde Jaratqanǵa jalbarynyp, ǵıbadat jasasa, tilegi qabyl.
Arýaqtarǵa quran baǵyshtap, sadaqa jasaý saýap.
Senbi – seıil kúni. Alty paıǵambarymyz – Nuh, Salyq, Júsip, Musa, Isa jáne Muhammed (s.ǵ.s) ańshylyqqa shyǵyp, seıil-serýen qurǵan.
Tilegi bir, maqsat-múddesi ortaq jandardyń bas qosyp, emin-erkin boı jazatyn kúni.
Tyrnaq alýǵa bolmaıdy, jaraqat alýy múmkin.
Basqa nendeı iske sáttilik tilese de, talaby ońǵarylady, jumysy alǵa basady.
Jeksenbi kúni bastalǵan qurylys tez ári sapaly bitedi.
Jemis aǵashtaryn otyrǵyzsa, tereń tamyr jaıady, qaýlap ósedi.
Hrıstıandar úshin qasıetti kún bolǵanymen, musylmanǵa aýyrlaý kún.
Bul kúni tyrnaq alsa, mal-múlik azaıyp, dáýlettiń berekesi qashady degen yrym bar.
Babalardan bizge jetken bir amanat osy. Aqıqatynda, aptanyń qaısy kúninde bolsyn, jan men tánniń, maqsat pen nıettiń tazalyǵy saqtalsa, pendeniń rýhy ósip, kemeldene túsedi. Kórgen kúnniń jamany joq, qanaǵat pen shúkirshilik, sabyr men taǵat bolsa – dúnıeniń arty qaıyrly.
