Qasıetti «Qazaq tili» jáne de
«Qazaq Ádebıeti» pánderin,
Asyrmaı qurtpaq kádege,
Maqtanshaq meniń «Máńgi Elim!..»
Qýǵandar kileń bas paıda,
Jaǵympaz «ǵalymsymaqtar»,
Aýyzdaryn da ashpaýda,
Tunshyqqan san myń suraqtar!..
«Qazaq tili» sonsha ma,
Óltirgen kimniń bireýin?
«Qazaq ádebıeti» - bolsa da,
Kereksiz, bárin bilemin...
Al, sonda qaıran qazaǵym,
Tuıaq ta serippeı óle me?
Kóterip san myń mazaǵyn,
Qul bolyp qulǵa kóne me?..
Búıtkenshe otta janaıyn,
Toz-toz ǵyp ultty úlestir!
Aıtyńdarshy, aǵaıyn,
Qulyndaǵy daýysymdy kim estir?!!
