Bir namaz oqıtyn, dindar qyzǵa qarapaıym, biraq dinmen isi joq jigit ǵashyq bolypty dep jazady Qamshy aqparattyq agenttigi mazhab.kz-ke silteme jasaı otyryp. Sol qyzǵa quda túsip, ekeýi úılenipti.
Toıdan keıin jigit kelinshegine kóp kóńil bólipti, syılyqtar beripti. Kelinshegine jaqsy qarap, ata-anasynyń kóńilin, jaǵdaıyn suraýdy umytypty. Bir kúni jumystan kelse, kelinshegi mańyzdy áńgimesi bar ekenin aıtyp, bólmelerine shaqyrypty. Sosyn:

- Maǵan talaq ber, senimen ajyrasýdy qalaımyn, - depti áıeli.

- Qalaısha? Ne úshin? Men seni jaqsy kóremin, qurmetteımin. Kóńilińe unamaı jatqan ne? - dep qorqynyshpen surapty jigit.

- Durys, maǵan jaqsy qaraısyń. Syılyqtar beresiń, kóńilimdi kóteresiń. Biraq sen óz ata-anańdy umytyp qoıdyń. Olarǵa múldem kóńil bólmeısiń. Qazir, áli balalarymyz paıda bolmaı turyp ajyrasyp ketkenimiz jón. Erteń ulymyz senen úlgi alyp ósse, úılengennen soń bizge múldem kóńil bólmeı qoısa meniń júregim aýyrmaıdy ma?! - dep surady kelinshegi.
Jigit óziniń bar qatesin túsinip, ata-anasynan keshirim surapty....

Sholýshy: Ásel Óteshova