Qazaqstanda "Jol qozǵalysy týraly zań" kúshine endi, - dep habarlaıdy Tengrinews.kz. 20 qazannan bastap "Jol qozǵalysy týraly zań" ǵana emes, "Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly" zańynyń keıbir normalary da kúshine enedi. Ol jańa qujattaǵy ózgerister:

"Jol qozǵalysy týraly" zańynyń jańa normasyna sáıkes, mehanıkalyq kólik júrgizetin 65 jastan asqan júrgizýshiler ár eki jyl saıyn qaıta medısınalyq qaraýdan ótedi. Adam jáne qaýipti júk tasymaldaıtyn kólikter jol qozǵalysy qaýipsizdigin saqtaý maqsatynda aspap-quraldar panelinde jedel qyzmet shaqyratyn qurylǵy ornatýy kerek.  

"Jol qozǵalysy týraly" zańnyń aıtarlyqtaı jańalyǵy - jańa júrgizýshi kýáligi. Olarda jeti kategorıa bolady: A, V, S, D; BE; SE; DE jáne alty bóligi: A1, V1, S1, D1, C1E jáne D1E. Bul skýter, mokık (A1), trısıkl (V1) jáne basqa mını-transporttardy paıdalanýǵa berýdi retteıdi. Jańa kólik júrgizýshi kýálikterin birinshi ret alyp otyrǵandar alady, al eski nusqadaǵylar júrgizýshi kýáligi merzimi bitkenshe jaramdy bolady. Jańa nusqadaǵy kýálikti alǵysy kelgender úshin erikti túrde beriledi.

Maqtanyp qalǵysy keletinder "Jol qozǵalysy týraly" zańnyń arqasynda "ádemi" nómirlerdi erkin ala alady. Bul úshin júrgizýshiler halyqqa qyzmet kórsetý ortalyǵyna barýy tıis. Memlekettik tirkeý nómir belgileri: 100, 111, 200, 222, 300, 333, 400 - 253 724 teńge. Dál osyndaı baǵa 444, 500, 555, 600, 666, 700, 800, 888, 900, 999 nómir belgilerine de qoıylǵan. Al 001, 002, 003, 004, 005, 006, 007, 008, 009, 777 sıaqty erekshe nazardaǵy nómir belgileri "Salyq jáne búdjetke tólenetin basqa da mindetti tólemder týraly" zańynda 422 256 teńge dep kórsetilgen. Munymen birge, memlekettik organdardyń qaraýyndaǵy kólikterdiń nómir belgilerine degen salyq - 5186 teńge.  Kólik tizgindeýshilerge kólik kýzovyna aerografıalyq úsh ólshemdi sýret salýǵa tyıym salady. 

Sonymen qatar, avtokólik júrgizýge berilgen senimhat polısıada tirkelmese jaýapkershilikke tartý kózdelgen. Tirkelmegen jaǵdaıda júrgizýshige 0.5 aılyq esep kórsetkishi somasynda (926 teńge) aıyppul salynady.    "Jol qozǵalysy týraly" zań jemqorlyqtyń aldyn alý maqsatynda júrgizýshige ınspektor avtokóligine otyrýǵa tyıym salady. Sonymen birge, bul zańda polıseılerdiń júrgizýshini toqtatýdyń negizgi sebepteri jazylǵan. Toqtaý men turaq belgisi joq jol men kóshelerde kólik qoıýǵa jáne toqtaýǵa bolmaıdy.   

"Jol qozǵalysy týraly" zań 4 jyldan eski emes (shyqqan jylyn qosqanda) kólikterdiń mindetti tehnıkalyq qaraýdan ótkizýden bosatady. 4 jyldan aspaǵan kólikterdiń ishinde júrgizýshini qospaǵanda 8 orny bar jáne komersıalyq maqsatta qoldanylatyn kólikter de tehnıkalyq baıqaýdan ótýge mindetti emes.

Qamshy-aqparat