AQSH-tyń Kalıfornıa shtaty, Karsone qalasynda WBA nusqasy boıynsha orta salmaqtaǵy álem chempıony 32 jastaǵy qazaqstandyq boksshy Gennadıı Golovkın men WBC nusqasynyń ýaqytsha chempıony 34 jastaǵy meksıkalyq Marko Antonıo Rýbıonyń arasyndaǵy jekpe-jek aıaqtaldy. Bizdiń otandasymyz ekinshi raýndta qarsylasyn esinen tańdyrdy, - dep habarlaıdy Tengrinews.kz

Golovkın óziniń kásibı rıngtegi 31-oıynyndaǵy 31-jeńisin kórsetti. Onyń 28-i nokaýtpen aıaqtaldy. Bir aıta keterligi, salmaq ólsheý barysynda Rýbıoniki 73,4 kelini kórsetip, talapqa saı kelmedi. Negizi attary atalyp otyrǵan boksshylardyń salmaǵy 160 fýnt, ıaǵnı 72,6 keliden aspaýy kerek edi. Al Golovkınniń salmaǵy - 72,1 keli bolǵan. Osy úshin Rýbıonyń aqysyn 450 myńnan 350 myńǵa deıin kesip tastaǵan. Qazaqstandyq boksshy jeńispen aıaqtaǵan bul oıyny úshin óziniń sporttyq mansabyndaǵy eń kóp syıaqy - 1 mıllıon dollardy alady.

Qamshy-aqparat