London olımpıadasyna Qazaqstan atynan qatysyp, chempıon atanǵan Zulfıa Chınshanlo Qytaıǵa qaıtty. Mundaı aqparatty Qytaıdyń sports.sohu.com saıty taratty.

«Otbasyma qaıtýdyń qýanyshy erekshe eken. Óıtkeni ustazdarym men jattyqtyrýshylarymnyń janyna keldim. Eń mańyzdysy, men endi týǵan jerimniń kókónisinen erkin jeıtin boldym.... Men eshqashan qytaılyq emespin dep aıtyp kórgen joqpyn. Óıtkeni men Qytaıdyń Hýnan aýdanynan shyqqan sportshymyn. Elden jyraqqa ketip, Almatyda 5 jyl júrgenimde ózimniń qytaılyq ekenimdi eshqashan umytqan emespin. Ótken jylǵy Gýanjoýdaǵy básekede, tipti osy joly London olımpıadasynda da tilshilerdiń suhbatyna men qytaılyqpyn, Qytaıdyń Hýnan aýdanynyń adamymyn dep jaýap berdim».

Bul Chınshanlonyń Qytaı jýrnalıserine bergen suhbatynan úzindi.

Al endi bir sát qara qyzmyzdyń London olımpıadasy kezinde Qazaqstan úshin aıtqan jyly sózderin nazarǵa alyp kórelik.

- Men úshin ziltemirdi kóterý ońaı boldy. Maǵan myna moınymdaǵy altyn medaldy kóterý qıyn bolyp tur. Bul jeńis úshin tórt jyl boıy daıyndaldym. Altynymdy búkil Qazaqstan eline arnaımyn, Nazarbaı rahmet!

Qazaqta óz bıeń qulyn týmaı, atqa jarymaısyń degen sóz bar edi... Mynaý dál sonyń ózi bolyp tur.