Parlament Senatynyń Tóraǵasy Qasym-Jomart Toqaev Grýzıanyń Qazaqstandaǵy Elshisi 3ýrab Abashıdzeni qabyldady, dep habarlaıdy Qamshy aqparattyq agenttigi.

Q.Toqaev 3.Abashıdzeni bizdiń elimizde dıplomatıalyq qyzmetiniń bastalýymen quttyqtaı kelip, onyń qyzmetine tilektestigin bildirdi jáne Astana men Tbılısı arasyndaǵy dıplomatıalyq qatynastar ornaǵan 25 jylda yntymaqtastyqtyń joǵary deńgeıine qol jetkenin atap ótti. Senat Tóraǵasynyń pikirinshe, eki eldiń zań shyǵarý organdary arasyndaǵy dıalogty nyǵaıtýǵa, sondaı-aq saýda-ekonomıkalyq jáne mádenı baılanystardy odan ári damytýǵa nazar aýdarý mańyzdy.

Parlamenttiń joǵarǵy Palatasynyń basshysy Prezıdent Gıorgı Margvelashvılıdiń Astanaǵa aldaǵy resmı saparyn asa mańyzdy dep sanaıdy, óıtkeni grýzın memleketiniń basshysy «EKSPO-2017» halyqaralyq kórmesindegi Grýzıanyń ulttyq kúniniń ashylý saltanatyna kelýdi, Prezıdent N. Nazarbaevpen kelissóz júrgizýdi jáne Senatta bolýdy josparlap otyr. Q. Toqaevtyń pikirinshe, bul sapar eki el arasyndaǵy kópjaqty yntymaqtastyq úshin jańa múmkindikter ashatyn bolady.

Sholýshy: Gúlim Jaqan