AQSH Prezıdenti Donald Tramtyń ǵalamdyq klımat jónindegi Parıj kelisiminen shyǵatynyn málimdegen edi, basshynyń sheshimine narazylyq týdyrǵan halyq mıtıńige shyqty, dep jazada Qamshy aqparattyq agenttigi. 

Kommersant.ru basylymynyń málimetinshe, 100-ge jýyq sherýshiler Aq úıge qarsy ǵımaratta jınalǵan. Narazylyq týdyrýshylar qoldaryna «Bolashaq joq», «Biz klımattyq ádildikti qalaımyz» degen jazbalary bar plakattar ustap alǵan.

1 maýsymda Aq úıde sóılegen Tramp "Amerıkany jáne onyń azamattaryn qorǵaý týraly qasıetti mindetimdi oryndaý úshin AQSH klımatqa qatysty Parıj kelisiminen shyǵady. Biraq kelisimge AQSH úshin, onyń bıznesi, halqy men salyq tóleýshileri úshin ádil múldem jańa sharttar engizip baryp qaıta qosylý jóninde kelissóz bastaıdy" dedi.

Aýaǵa parınk gazdaryn shyǵarýdy azaıtyp, ǵalamdyq temperatýranyń joǵarylýyna qarsy is-qımyldar jasaýdy qarastyratyn kelisimge buǵan deıin 194 memleket qol qoıyp, Sırıa men Nıkaragýa ǵana qol qoımaǵan bolatyn. Tramp saılaýaldy kampanıasynda kelisim AQSH-tyń ekonomıkalyq múddelerine qaıshy keletinin aıtyp, odan shyǵýǵa ýáde bergen. Buǵan deıin AQSH pen onyń odaqtastary jáne basqa da memleketter Trampqa kelisimnen shyqpaýǵa yqpal etip kórmek bolǵan.

Sholýshy: Gúlim Jaqan