Sońǵy birneshe kún ishinde dosym, áriptesim Rasýl Jumalyǵa qarsy keshendi shabýyl jasalyp jatyrǵanyn barlyqtaryńyz kórip te, baıqap ta júrgen bolarsyzdar. Soǵan oraı, ózimniń kózqarasymdy bildirgim kelip otyr.
...
1. Shabýyldyń basty sebebi - Rasýldyń osyǵan deıingi Ekinshi dúnıejúzilik soǵys, Jeńis kúnine qatysty tyń oılary sebep boldy dep sanaımyn.
2. Shabýyldyń maqsaty - Rasýldy adam, azamat, sarapshy, maman retinde qaralaý bolyp tabylady. Shabýyldyń taǵy bir maqsaty atalmysh kitapty jarıalaýǵa muryndyq bolǵan Erlan Qarın dosymyzdy qaralaý, oǵan kúıe jaǵý.
3. Endi aıyptardyń mánisine kelsek, Rekeń mán-jaıdy óz paraqshasynda aıtyp shyqty. Oǵan alyp qosarym joq. 
Alaıda mynany basa aıtqym kelip otyr.
Rasýl óte adal, jumysyna, ómirine, sózi men isine asqan prınsıppen, kirpıazdyqpen qaraıtyn tulǵa. Atyshýly kitabynyń dúnıege qalaı kelgenin, qandaı izdenispen kelgenin bir adamdaı bilemin. O basta mynadaı tańdaý turǵan bolatyn; ıa ǵylymı monografıa jazý, ıa kópshilikke arnalǵan, aǵartýshylyq baǵyttaǵy sholý kitap shyǵarý. Shynyn aıtaıyn, "Reke, jalpy bizdiń elde Arab álemine qatysty kóptegen jańsaq pikir bar. Kópshilik oqıtyn, keń kólemdi kitap joqtyń qasy. Bolashaqta talaı monografıa kele jatar, qazir kópshilikke arnalǵan dúnıe kerek" dep úgittegenderdiń biri men edim. Meniń oıymsha, Rasýl óz aldyna qoıǵan maqsatyn tolyq oryndady.
"Arabskıı pasáns" degen kitaby qalyń jurtqa jolyn tapty. İshinde arab álemine qatysty kóptegen aqparat bar sholý kitap. Árbir derekkózi týraly aqparat kitapty aıqyn, anyq kórsetilgen. Kitap janrynyń ózi árbir betke derekkózin kórsetý, siltemesin berý degendi kózdemeıdi. Rasýl tek osy kitaptyń ǵana avtory emes. Talaı ǵylymı dúnıeni, monografıany jazdy. Eshbirine eshkimniń aıtar mini, taǵar aıyby joq dep oılaımyn. 
Shabýyldy uıymdastyrýshylar ádeıilep osy kitapty nysana qylǵany da tegin emes. Aqparaty, deregi kóp kitapta tyrnaq astynan kir izdeıtin adam qashan da qatelik taba alady. Asqan prınsıpke barsa, dál búgin aq elimizde jazylǵan ǵylymı dısertasıa men ǵylymı kitaptyń barsha avtoryn ury-qary qylyp shyǵarýǵa bolady. Alaıda olardyń biriniń de murtyn balta shappaı otyr ǵoı...
Qysqasy, Ǵabıtshe aıtsaq, Rasýl halyq jaýy bolsa, men de halyq jaýymyn! 
Rasýldy tolyq qoldaımyn! Oǵan, Erlanǵa qarsy jasalyp jatqan shabýyldy jalpy bir býynǵa, qazaq ultshyldaryna jasalyp jatqan shabýyl dep sanaımyn. Osyndaı jaǵdaıda dostarymdy qoldaý, qasynan tabylýdy ózimniń adam, dos, sarapshy retindegi boryshym, paryzym dep esepteımin.