Eýrazıalyq Top  (ERG) quramyndaǵy «Eýroazıalyq energetıkalyq korporasıa» AQ-na qarasty Aqsý elektr stansıasynda jalpy ótili 120 jyldan astam ýaqytty quraıtyn otbasy jumys isteıdi.

Jaqynda Nekrytovtar áýleti  «Mereıli otbasy» ulttyq baıqaýynyń oblystyq kezeńinde ekinshi orynǵa ıe boldy.

Nekrytovtardyń bútindeı úsh urpaǵy mamandyq retinde energetıkany, jumys orny retinde Aqsý elektr stansıasyn tańdaǵan eken. Januıanyń aqsaqaly 81 jastaǵy Nıkolaı Nekrytov ómiriniń 20 jylyn kásiporyn jumysyna arnapty. Qarıanyń uldary, kelinderi, nemereleri de óz taǵdyrlaryn osy salamen baılanystyrǵan.

«Baıqaýdaǵy jeńiske qýanamyn. Jyldar boıy jınaǵan bedeldi, kásibı abyroıdy joǵaltyp almaýǵa tyrysamyz, adal nıetpen durys jumys istedik, balalarǵa ǵana emes, basqalarǵa da úlgi bola bildik», - deıdi «EEK» AQ Óndiristik jóndeý bólimshesiniń №2 qazandyq ýchaskesi basshysynyń orynbasary Oleg Nekrytov.

«Eýroazıalyq energetıkalyq korporasıa» AQ-da jumys isteıtin eńbek áýletteri «Mereıli otbasy» baıqaýynda áldeneshe ret júldeger atanǵan. Kompanıa urpaq sabaqtastyǵyna, jas kadrlardy tárbıeleýge erekshe nazar aýdarady.

«Jastar bizdiń kompanıada jumys isteýge umtylady, sebebi olar munda baspana máselesi boıynsha da, oqý turǵysynan da qoldaý bolatynyn, qyzmetkerlerdiń densaýlyǵyna, sporttyń damýyna úlken mán beriletinin biledi. Áleýmettik qamtamasyzdandyrý – jumys ornyn tańdaý kezinde eskeretin óte mańyzdy másele», - dep sanaıdy Oleg Nekrytov.

ERG korporasıasy tek qyzmetkerlerge qatysty ǵana emes, jalpy aımaqqa áleýmettik qoldaý bildirip otyr. «Týǵan qalalar» atty arnaıy ázirlengen baǵdarlama jumys oryndarymen qamtamasyz etý, ınfraqurylymdy, bilim jáne densaýlyq saqtaý salasyn damytý sekildi aımaqtar máselelerin keshendi jolmen sheshýge baǵyttalǵan. Baǵdarlamanyń túpki maqsattarynyń biri – jas mamandardy týǵan qalasynda jumys istep, ómir súrýge yntalandyrý. Eýrazıalyq Top júrgizgen keshendi áleýmettik zertteýden keıin osal jerler anyqtalǵan soń qarjylaı qoldaý naqty aımaqta eń úlken suranysqa ıe bolyp otyrǵan jobalarǵa baǵyttalýda.