Almatyda velosıped qoıýǵa bolatyn qurylǵysy bar qoǵamdyq kólikter júre bastady, - dep habarlaıdy tengrinews.kz. Qoǵamdyq kóliktiń aldyńǵy bóliginde ornalasqan bul jańa qondyrǵylar Qazaqstanda velosporttyń jappaı damýyna áserin tıgizedi delinedi. Almaty qalasy jolaýshylar kóligi jáne avtomobıl joldary basqarmasynyń málimetinshe, qalada 23 shaqyrym velosıpedke arnalǵan joldar salynǵan.

Alaıda kóbi bir-birimen baılanyspaǵan, sol sebepti de qıyndyqtar bar.  "Osy máseleni sheshý maqsatynda osy jobany engizip otyrmyz. Qazirgi ýaqytta № 29 jáne     № 45 baǵytynda júretin avtobýstarǵa velosıped qoıýǵa bolatyn qurylǵy ornatyldy. Avtobýs salonyna velosıped alyp kirý qıyn bolǵandyqtan, osy tásil óte tıimdi", - dedi Almaty qalasy jolaýshylar kóligi jáne avtomobıl joldary basqarmasynyń basshysy Maqsut Isahov.