Halyqaralyq balalar quqyǵyn qorǵaıtyn Save The Children uıymy kámelet jasqa tolmaı júkti bolýdyń saldary týraly vıdeo jarıalady dep habarlaıdy Qamshy aqparattyq agenttigi. Onda kishkentaı qyz qýyrshaqqa arnalǵan qorapty taǵatsyzdana ashyp, onyń ishinen júktilikti anyqtaıtyn quraldy kóredi. İshinen «Ár eki sekýndta bir qyz dúnıege keledi» dep jazylǵan hatty taýyp alady.

BUU málimetinshe, jas analar kóbine aýyldyq jerlerde, áleýeti tómen adamdar turatyn jáne bilim deńgeıi tómen aýdandarda turady. Kóp jaǵdaıda olar mektepti tastap ketedi.

Jyl saıyn álemde 16 mıllıonǵa jýyq 15-19 jas aralyǵyndaǵy qyzdar ana atanady. Bir mıllıonǵa jýyǵy 15 jasqa deıin júkti bolyp úlgeredi.

Jyl saıyn 10 men 19 jas aralyǵyndaǵy 70 myń qyz júktilik kezinde nemese bosanyp jatqan ýaqytta kóz jumady. 

Sholýshy: Ásem Álmuhanbet