Semeı saıabaǵyndaǵy «saıtan» dońǵalaǵy aıaq asty asa jyldamdyqpen aınala bastaǵan. Atraksıonda adamdar bolǵan, dep jazady Qamshy aqparattyq agenttigi.

«Avtoáýesqoı otbasylarynyń birlestigi» uıymynyń ókilderi oqıǵanyń dál Balalardy qorǵaý kúninde oryn alǵanyn aıtady.

Saıabaq qyzmetkerleri attarksıondy birden toqtatqan. Oqıǵa kýágerleri bolǵan jaǵdaıdy vıdeoǵa túsirip alǵan. Vıdeodan baıqaǵanymyzdaı, attarksıon toqtaǵan soń joǵaryda qalyp qoıǵan adamdardy tómenge túsirý úshin er adamdar ony qoldarymen aınaldyrǵan.

«Mundaı jaǵdaı birinshi ret bolyp turǵan joq. Eki jyl buryn osy atraksıon men otyrǵan sátte de toqtap qalǵan. Biz joǵarǵy bóliginde qalyp qalǵan edik», - deıdi «Avtoáýesqoı otbasylar birlestiginiń» ókili.

Aıta keterligi, Semeıdegi bul «saıtan» dońǵalaǵy eskirgen atraksıondar qataryna jatady. Jóndeý jumystary júrgizile me, joq pa – ol jaǵy belgisiz. Alaıda saıabaqqa kelgen bala bul atraksıonǵa otyrmaı ketpesi anyq.

Sholýshy: Gúlim Jaqan