Gúljan Máýithanǵa qatysty appelásıalyq sot búgin aıaqtaldy, dep jazady Qamshy aqparattyq agenttigi bag.kz-ke silteme jasaı otyryp. 

Eki kúnge sozylǵan apelásıalyq sot otyrysy barysynda shekarada bar aqshasynan aıyrylyp qalǵan qytaılyq qandasymyzdyń isi búge-shigesine deıin qaralyp, tergeý barysynda bolǵan, sondaı-aq shekarada bolǵan quıturqylyqtardy eskerip, isti prokýratýraǵa jiberdi. Prokýratýra jan-jaqty qaıtadan qarap, tergeý amaldaryn júrgizetin boldy.

10 sáýir kúngi Zaısan qalasynyń shyǵarǵan sot sheshimi túgeldeı kúshin joıdy.

Eske sala keteıik, 8 aqpan kúni Qytaıdan Qazaq eline oralý maqsatynda kóship kele jatyp, SHQO Zaısan aýdanyna qarasty «Maıqapshaǵaı» kedendik baqylaý beketinde 49,900 AQSH dollary tárkilengen Máýithan Gúljan esimdi jesir ananyń taǵdyry qyl ústinde edi.

Kúıeýinen jastaı jesir qalyp, eki balasyn ómirdiń nebir taýqymetin tarta júrip er jetkizgen Gúljan Qytaıdaǵy ózine tıesili úıi men bar dúnıe-múlkin satyp, ol aqshaǵa Astana qalasynan úı alýdy kózdegen eken. Alaıda, qıyn jaǵdaıǵa tap bolamyn dep oılamaǵan.

Birneshe kún ótken soń tergeýshiler kelip, mán-jaıdy túsindirgen ári Zaısan aýdanyndaǵy ekonomıkalyq tergeý bólimine shaqyryp alyp, Gúljan Máýithanǵa: «Zań boıynsha sizge tıesili aqsha osy» dep qolyna 10 myń AQSH dollaryn qaıtaryp bergen. Qalǵan 49,900 AQSH dollary SHQO boıynsha Memlekettik kirister depertamentine jiberilgeni jaıly aıtqan.

Sáýirde bolǵan Shyǵys Qazaqstan oblysy Zaısan aýdandyq soty jalǵyzbasty áıeldi QR Qylmystyq kodeksiniń 234-baby (ekonomıkalyq kontrabanda) boıynsha aıypty dep tanyp, ústinen 68 myń teńge aıyppul saldy.

Bul jaǵdaıdy eskergen Ularbek Dáleıuly, Erlan Saıyrov, Muhtar Taıjan, Abzal Quspan, Aıjan Dáribaeva syndy ózge de tilektes bolǵan barsha azamattar isti qaıta qaraý úshin appelásıaǵa bergen edi. Ádildikti qalaǵan el azamattarynyń kúshi men yqylasy bosqa ketpepti.

Sholýshy: Gúlim Jaqan