Kez-kelgen daý, janjal ataýly oǵan saıası adam, saıasat qyzmetkeriniń qatysy bolsa úlken rezonans týdarytyny belgili. Qamshy aqparattyq agenttigi álemdegi eń aty shýly janjaldardy oqyrman nazaryna usynady.
Alǵashy satyda, árıne "Ýotergeıt oqıǵasy" nemese "Ýotergeıt janjaly"
AQSH-taǵy jáne álemdegi eń tanymal janjal. 1972 jyly jazda AQSH prezıdentiniń saılaýy ótýine 4 aı qalǵanda oryn alǵan. «Ýotergeıt» atalatyn qonaqúıde bes adam ustalady. Olar qupıaly qujattardy alyp, tyńdamaqshy bolǵan. Barlyq kúdik ekinshi ret saılaýǵa qatysqaly otyrǵan prezıdent Rıchard Nıksonǵa túsedi. Oryn alǵan janjalǵa qaramastan Nıkson prezıdenttik saılaýǵa qatysyp jeńip shyǵady. Alaıda «Ýotergeıt» oqıǵasyna baılanysty zertteý jumystary saılaýdan keıin de júrgiziledi. Osy kezde «Vashıngton post» basylymynyń jýrnalıseri Nıskonnyń osy oqıǵada kináli ekenin dáleldep shyǵarady. Nátıjesinde alǵash ret AQSH tarıhynda prezıdent óz erkimen ornynan ketedi.
Vengrıa prezıdentiniń doktorlyq dısertasıasy
1992 jyly vengrlik saıasatker Pal Shmıtt Olımpıada oıyndaryna baılanysty dısertasıa qorǵaıdy. Jıyrma jyl ótken soń ol prezıdent qyzmetinde bolǵan kezde onyń dısertasıasy plagıat dep tanylady. Dısertasıa tolyq basqa avtordan, naqtyraq aıtqanda sport qaıratkerinen kóshirilgen bolyp shyǵady. Osydan keıin Pal Shmıtt doktorlyq dárejesinen aıyrylady, úsh kúnnen keıin prezıdenttiginen de bas tartady.
Bıll Klıontonnyń janjaly
1998 jyly AQSH-tyń 42-prezıdenti Bıll Klınton búkil álemge óziniń prezıdentke laıyqty emes júris-turysymen tanymal boldy. Ol óziniń jas kómekshisi Monıka Levınskımen qarym-qatynasta bolǵany úshin aıyptalǵan. Áý basta óziniń bul janjalǵa esh qatysy joq ekenin aıtyp aqtalsa da, keıinnen bárin moıyndaǵan.
Irlandıa premer-mınıstriniń suhbaty
2010 jyly Irlandıa premer-mınıstri Braıan Koýen Dýblın radıostansıasyna suhbat beredi. Ol qarapaıym ekonomıkalyq saıasatqa baılanysty suraqtarǵa jaýap bere almaǵan. Óziniń daýsymen adamdardy qorqytyp jibergen. Onyń suhbattan bir kún buryn óziniń keńesshilerimen keıbir suraqtardy talqylaý úshin «jınalysy» ótkeni belgili bolǵan. Kelesi jyly premer óz qyzmetinen ketken. Alaıda oǵan tek qana onyń nashar suhbaty ǵana emes eldegi ekonomıkalyq daǵdarys ta sebep bolǵan.
Georgıı Gongadze ólimi
Georgıı Gongadze ýkraınalyq jýrnalıs, «Ýkraınskaıa pravda» portalynyń negizin salýshy. Prezıdent Leonıd Kýchmanyń krımınaldy ómirin zerttegen. 2000 jyly ol jaqyndaryna óziniń artynan belgisizder ańdyp júrgenin habarlaǵan. Eki aıdan keıin jýrnalıs iz-tússiz joǵalǵan. Arada biraz ýaqyt ótken soń onyń bassyz denesin Kıevke jaqyn jerde tabyldy. Jýrnalıs ólimine memlket basshylyǵynyń qatysy bar ekeni keıinnen anyqtaldy.
Daıyndaǵan: Nazerke MUSA
